MURMUSHIN ALKAWARI-13
.
(m) Nazir Adam Salih
.
(c) Yarima Gangariya
.
Zuciyarta ta harba sa'ar datayi ido biyu da saurayi mai tabarau koda ta sake kallon hoton da kyau sai taga ai da irin tabaran daya bata ma ya dauki hoton.
.
Shine... Wallahi... A ina ka sami hotonsa?
Lari ta tambaye shi hawaye na kokarin sake kubuce mata nafiu ya dubeta yace.
Wanene baisan salim ba? Ai sai in mutum baya kallon finafinan hausa. Lari ta zabura ta mike tsaye jikinta na rawa tace.
Dan Allah ina zan sake ganinsa a... Ina yake. Nafiu ya dauki sandarsa sannan shima ya mike ya dubeta cikin damuwa yace.
Gara ma ke kinyi sa'a Allah ya nuna miki shi a zahiri ni in ba'a talabijin ba ko a hoto sai ko a mafarki amma ban taba ganinsa azahiri ba.
Kana nufin kenan ba ka taba ganinsa ba? Lari ta tambaya cikin karyayyiyar murya Nafiu ya girgiza kai.
Mutumin KANO ne. Ya danyi shiru yana duban lari cikin damuwa.
Amma inayi miki fargabar cewa kin dauko dala ba gammo domin salim ba karamin mutum bane kuma tun da nake arayuwata ban taba ganin mutum da farin jinin salim ba idan baki sani ba to yau ki sani duk kusan yan matan garin nan dake kallon finafinan hausa kaunarsa sukeyi. Sau da yawa zakiji suna zaginsa saboda hassada amma ina tabbatar miki da cewa azuciyarsu basuda wani abin kauna kamarsa ance dayawa daga cikin matan masu karancin tunani da hankali sun sha rabuwa da mazajensu saaboda shi.
Wannan shi yasa nace kin dauko dala babu gammo tunda yan matan birni ma wayayyu yaya suka kare dashi ballantana ke... Bayan kuma naji suna cewa wai yanada shegen girman kai kamar ibilishi. Lari taji kafarta ta fara rawa.
Indai a kano yake sai na nemo shi koda zan zagaye fadin garin ina tambaya. Inason kuma ka sani cewa ni sa'ar dana hadu dashi bai nuna min wani girman kai ba ko kankane domin shi ya kirawoni ya saye nonona muka dade muna hira dashi yayi min kyautar naira dari bakwai sannan daga karshe dana fasa masa sunana yace wai sunan na da dadi. Nafiu yayi tsaye yana kallonta sororo baki bude domin duk abinda take fada ta bayan kunnensa yake bi. Yasha jin a birni ana zancen girman kan salim in kuwa abunda ake fadi gaskiya ne yasan babu abinda zai hada salim da lari to amma kuma me zaisa tace sun hadu da salim in basu hadu din ba?
Wai Allah lari da gaske kike kin ganshi da idonki? Nafiu ya tambaya akan shakka lari ta dauko tabaran dake gurinta ta mikawa nafiu tace.
Kaga wannan tabaran ma shi ya bani in kuma baka yarda ba sake duba hoton zakaga da shima ya dauki hoton. Nafiu ya karbi tabaran cikin mamaki sannan ya bude bangon littafin ya sake kallon tabaran dake fuskar saurayin sannan ya dubi na hannunsa. Ko shakka babu irinsa daya. Tsahon lokaci yana kallon hoton sannan saiya dago kai ahankali ya dubeta.
Yanzu wane irin taimako kikeso agareni?
Ya tambayeta yanzu kam ya tabbata duk abinda ta fada gaskiyane.
Babu abinda nake so kayi min saika rufa min asiri sannan yau da daddare ka rakani nabar garin nan zuwa kano. Nafiu ya girgiza kai yace.
Ke lari baki taba zuwa kano ba tunda kike bazaiyu ba yau tashi daya ki shiga garin cikin dare lari ta dada matsawa kusa dashi ta tausasa murya.
Da'a aura min ja'e maketaci dana bar garin nan cikin dare wanne kafi so? Nafiu ya danyi jim cikin rudani ya riga yasan cewa ja'e macuci ne babba azzalumi. Ba lari dayake kauna ba ko akuyar dayake kiwo bazai so ta auri Ja'e ba don haka saiya dubi lari yace muryarsa na rawa..
Gara.... Ki Gudu... Da Ki Auri JA'E.
.
**** **** **** ***** **** *****
.
SIDI mai jaka yayi shiru sa'ar dayazo nan sannan ya dubeni yace Nas ina fatan kana biye dani akan wannan dogon zaren labari. Na gyada kai nace.
Kwarai kuwa baba amma ni nakasa gane irin wannan wauta ta yan mazan zamani yaya baki taba zuwa gari ba bakisan kowa agarin ba zaki tafi neman wanda shime yiwuwa ma tu agurin da kuka hadu ya manta dak? Sidi mai jaka ya canko wasu dankwala dankwalan tubanai guda biyu ya jefa abaki. Idanunsa suka fara diga kamar kuturu saboda yaji amma duk da haka dattijon bai nemi ruwa ba. Azuciya nace lallai idan naci gaba da kawo tubanin nan watarana sai nayi kisan kai.
Ai Nas kayi mamakin al'amarin na irin wadannan mata domin yadda suke kaunar jaruman shirin fim abin ya wuce tunanin mutum amma banga laifinsu ba domin irin yadda matasan jaruman ke kwaikwayon abu ashirin fim saika rantse da Allah da gaske ne wannan shike rudar wadannan mata amma fa nas kada kayi kuskuren fahimtar zaren labarin nan kaga Lari kaunar salim takeyi tsakani da Allah badon jarumtakarsa ta shirin Fim ba.
Hakane nace dashi.
Yawwa Nas. Bari to nayi sauri na karasa maka wannan zaren labarin kafin na dauki na karshe wanda daga shine zan hada maka zararrukan guda uku guri guda na kullesu.
Ina sauraron ka baba sidi. Nace dashi sannan na gyara zama.
Yawwa nas to adaren wannan rana saia aka yi rashin sa'a domin tun da magariba aka kece da ruwa kamar da bakin kwarya. Wannan ita tasa nafiu bai sami damar zuwa gidansu Lari da karfe takwas ba kamar yadda sukayi alkawari sai karfe tara saura. Nafiu ya jinkirta zuwansa tun farko ne domin a tsammaninsa

MURMUSHIN ALKAWARI-14
.
(m) Nazir Adam Salih
.
(c) Yarima Gangariya
.
A tsammaninsa za'a tsagaita ruwan to amma ganin ruwan sai karuwa yakeyi shiyasa shi biyowa cikin duhun daren ruwa na dukansa ya shiga rigarsu Lari.
Sa'ar da nafiu yakawo rigar saiya dabarbarce ya rasa abinda ya kamata yafari domin ayadda suka shirya a yammacin ranar sun yanke cewa zai sami lari ne agindin wata katuwar bishiyar mangwaro dake arewa da garken shanunsu to amma ruwan saman da ake ketawa ayanzu kamar da bakin kwarya shiyasa shi cikin wasi wasi domin yasan abune mai wuya lari ta iya jiransa cikin wannan uban ruwan da ake shekawa.
Nafiu yayi tsaye cikin duhun jikakken daren ruwan na dukansa babu ko kakkautawa lokaci lokaci yakan sa hannunsa ya share ruwan dake zuba akan fuskarsa daga inda yake tsaye yana iya hangen duhu duhun bukkokin dake rigar sannan lokaci lokaci yakanji bololon kukan shanu jifa jifa. Nafiu yaji dadin duhun daren dakuma ruwan da akeyi ba don komai ba kuwa sai don tunanin cewa muddin ja'e ya fuskanci abinda yake niyyar aikatawa to kashinsa ya bushe. Tsahon lokaci nafiu na tsaye agurin can sai wata zuciyar tace dashi zzagaya mana zuwa gindin bishiyar mangwaron dake bayan gidan jikinsa na rawa ya juya zai nufi gindin bishiyar mangwaron sannan ne to yaji siririyar muryar a bayan.
Nafiu. Cikin sauri ya juya a dan tsorace adaidai lokacin daya hangi duhunta tana fitowa daga bayan rumbun dake daf dashi. Muryarsa na rawa ya gyara sandar dake hannunsa.
Lari... Ya kira sunanta cikin sauri ta matso inda yake hannunta na dama dauke da kullin yan tsummokaranta sai digar ruwa sukeyi kamar algararar goro haka nan itama ajike take jagaf kayan dake jikinta sun manne ajikinta sirirantarkar ta tafito fili.
Tun dazu nake jiranka har na fara tunanin ko bazaka zo ba. Nafiu ya girgiza kai.
Kema kinsan ai dole na zo bazan iya saba miki alkawari ba. Ya danyi shiru sannan saiyace.
Anya kuwa lari bakya bar tafiyar nan ba sai gobe kinga dare yayi ga ruwa kuma zaki tafi bakon gari me yiwuwa tun daga nan har can kanon ruwa akeyi kinga kuma sai kusan asuba zaku sauka a kano.
Lari ta gyara kullin dake hannunta ya lura da cewa jikinta sai rawar sanyi takeyi.
Ni dai in zaka taimakeni ka taimakeni Nafiu amma nayi alkawarin yau bazan kwana a rigar nan ba. Tana gama fadin haka saita juya ta fara tafiya nafiu yabita abaya sukaci gaba da tafiya sannu ahankali har suka kawo dab da rigarsu nafiu adaidai lokacin ne ya juyo ya dubeta yace.
Dan jirani ina zuwa. To kada ka dade kaga dare yana karati.
Aka saki wata katuwar aradu. Kasa ta girgiza sararin samaniya ya haskake amsa kuwwar tsawar ya watsu acikin dajin lari ta matsa aguje ta rike hannun nafiu a firgice.
Na shiga uku tace a tsoace idan har akwai abinda take tsoro to araduce don tun tana karama ta kashe yayanta agurin kiwo bayan dan lokaci sai lari ta saki hannun nafiu tace.
Jeka ka dawo cikin sauri nafiu ya nufi rigarsu ba'a dade ba sai lari ta hango shi hanye da jaki.
Wannan fa me zakayi da jaki? Lari ta tambaya nafiu ya dubeta da murmushi yace.
Kawo miki nayi ki hau domin tafiyar nada dan nisa zuwa cikin gari ga kuma cab. Lari taji tausayinsa ya kamata saboda ganin ganin irin wahalhalu da kuma soyayyar dayakeyi agareta duk kuwa da cewa yasan bashi take kauna ba.
Na...gode nafiu abin kawai datace dashi kenan sannan saita kama jakin nafiu ya taimaka mata ta hau.
.
Karfe tara da yan mintuna na dare suka isa babbar tashar motar ta garin yola suna digar ruwa suna isowa suka sami mota fijo mai zuwa kano mutum daya kawai ake jira.
Sa'ar da suka isa gindin motar sai mutanen dake cikin wata rumfar kwano suna fakewa ruwa suka zubo musu idanu cikin mamaki.
Oh! Ga wata kyakkyawar bafulatana tasha dukan ruwa wani mai shayi dake fakewa ruwa acikin rumfar yace.
Lari ta sauko daga kan jakin sannan ta dubi nafiu adaidai lokacin da sauran fasinjojin dake fakewa a rumfar suka fara shiga motar domin sun fahimci cikon fasinjansu daya ya bayyana.
Nagode... Nagode nafiu lari tace idanunta na zubar zubar da hawaye cikin sauri nafiu ya dauke kansa gefe guda sannan ya lalubi aljihunsa ya dauko kullin wata leda fara ya kunceta daga ciki ya dauko laya da kudi ya mika mata yace.
Ga wannan layar maganin tsautsayi ce in dai kina tare da ita babu abinda zai taba samunki in Allah ya yarda wannan kuma kudin dubi biyar ne kawai kiyi hakuri lari Wallahi su kenan nake dasu daka da waje suma tunkiyata na sayar dazu da yamma....
Lari ta dauki layar sannan ta mika masa kudin tana girgiza kai tace.
Haba Nafiu ai wahalar tayi yawa layar dai na karba amma kudin ka rike abinka wannan taimakon ma dakayi min ya isa bazan taba mantawa dakai ba. Nafiu ya girgiza kai yana kallon motar dake gabansu.
Kada kiyi min haka Lari saboda kawai na baki kudin nan na sayar da tunkiyata. Dazu domin nasan idan kinje birni zaki bukace su... Kuma wannan itace kyauta ta takarshe agareki. Lari taji hawaye ya subuce mata tausayinsa ya dada kamata.
Nafiu nagode. Ta fashe da kuka bazan taba mantawa dakai ba inason kuma kasani cewa da ace ban hadu da salim ba..

MURMUSHIN ALKAWARI-15
.
(m) Nazir Adam Salih
.
(c) Yarima Gangariya
.
Da ace ban hadu da salim ba babu wanda zan iya aura aduniya sai kai.... Kuma... Ta sake fashewa da kuka yanzu ma ina kaunarka Nafiu.
.
Adaidai lokacin ne direban motar yafara danna hon. Cikin sauri Lari ta nufi motar nafiu na biye da ita abaya suna zuwa saita juyo ta dubeshi tace.
To nafiu sai watarana nagode tana shiga motar sai hawaye suka zubo akan kumatun nafiu. Lari ta juyo ta cikin gilashin motar tayi masa kallon karshe.
Lari ta dago masa hannu sa'ar da motar tafara tafiya. Nafiu yayi kokarin shima ya daga mata hannun amma sai yaji hannun yayi masa nauyi. Wani zazzafan hawaye ya zubo akan kumatunsa. Ya riga yasan laifi ya aikata babba ya taimaka yarinyar mutane ta shiga duniya... Allah ya tsareta yace cikin zuciyarsa.
Data auri Ja'e ya sake maimaitawa kansa gara ta shiga uwa duniya: wannan shi ya dan lallami zuciyarsa domin a tunaninsa akalla dai yana da hujja ko da kuwa rarrauna ce. Koda motar tafara tafiya sai Lari tajuyo domin tayi masa kallon karshe Nafiu ya ganta itama ta ganshi azuciyarta tayi fatan Allah ya sake hadasu awata rana awani zamani haduwa ta farin ciki ko ta rama masa alherin dayayi mata. Abinda bata sani ba shine BAZATA SAKE GANINSA BA HAR ABADA.
.
UKU 3
KANO
JUMA'A 10 SATUMBA 2004
.
Sidi mai jaka ya dubi agogonsa lokaci guda ya share gumi da gefen hannun ribabbiyar rigarsa.
Kai! Lallai wannan zamani lokaci na gudu dubi Nas har karfe goma sha biyu saura yan mintuna.
Gaskiya ne Nace dashi.
Ina ganin ai saikayi sauri ko ma gama kafin azahar. Na danyi shiru.
Kada dai kace min wannan shine karshen zaren wannan labarin?
Sidi mai jaka yayi murmushi ya dauki busasshshiyar kafarsa daya ya dora akan yar uwarta sannan ya harari kwanon tubanin cikin farin ciki domin duk dayake ya cinye sama da rabin tubanin amma har yanzu da saura akalla dunkule ashirin acikin kwanon.
Kaima kasan ai karshen zaren labarin kenan tunda dai lari ma ta nufi Kano. Sidi mai jaka yace dani yana kokarin sake canko tubani.
Nayi mamakin irin yadda wannan tsoho yake hadidiyar wannan abun batareda ya nemi ruwan sha ba. Meyiwuwa irin cikin rakumine dashi. Nace cikin raina.
Sidi mai jaka yaja wata doguwar hamma kamar zai yaga baki dakyar ya samu bakin ya rufu.
Nas yanzun nan bada dadewa ba zan fara saka maka zaren labarina na uku wanda atsakiyarsa ne zan daura ma wadannan zararrukan labarin biyu da muka riga muka saka. Amma kafin wannan lokacin ina son ka bani aron zuciyarsa mu koma nan kano. Cikin wata katon gida dake cikin Nassarawa gidan da aka kashe masa kudi kamar ba'a so domin tunda nake jin labarai iri daban daban ban taba jin labarin almubazzarin gida ko kuma ince gidan da aka yiwa almubuzzaranci ba kamar wannan.
Cab! Nace dashi baki bude wannan wane irin gidane kuma ? Gidan wanene? Sidi mai jaka yayi gyaran murya sannan ya dubeni da murmushi yace.
Kafin nafada ma ko gidan wanene ina son na fara zayyana maka hoton wannan gidan sannan saimu koma cikin kayataccen dakin shakatawar muga abinda ke faruwa.
Ina sauraronka. Nace dashi dan tsohon yayi shiru na dan lokaci yana susar farin gashin gemunsa idanunsa na kallon sama me yiwuwa ganyen bishiyar durumin damuke zaune a karkashi yake kllo. Babu mamaki kuma zararrukan labarin yake jajjonawa kafin yafara sako min shi amike. Tsahon lokaci yana cikin wannan hali kamar mai mafarkin rana can sai ya dube ni yace.
Nas wannan gida danake baka labari acikin nassarawa yake nan garin kano gidan yar karamar aljannar duniya ce wacce kayatuwarsa tasa har mutane suke tunanin ba karamin karambani bane ace wai jarumin finafinan hausa ne ke zaune agidan. Mutane da yawa na ganin cewa ko wani babban mai mukami ne acikin gwamnati ya mallaki wannan gida dole ne asashi sahun almubuzzarai.
Ance wai asalin wanda yasa aka gina wannan gida wani bature ne dan kasar burtaniya da aiki yakawo shi garin na tsahon shekara biyar.
Tun daga can yazo da tsarin gidan azane a takarda dan haka da aka tashi za'a gina gidan sai aka sami katon fili wanda ya ishi ayi filin wasan kwallon kafa har guda uku akayi ginin gidan atsakiyar filin sannan sai aka zagaye shi da alatun duniya. Ance idan kana tsaye atsakiyar babban dakin shakatawar gidan zaka sami kanka kana mai fuskantar kofofi guda hudu kudu da arewa gabas da yamma. Wadannan kofofi duk na katako ne kirar kwararru wanda akayi masa ado da ruwan gwal. Idan ka bude kofar dake bangaren kudu zaka sami kanka kana mai fuskantar wata katuwar baranda kirar zamani irin salo na kasar SIN.
Wannan baranda kai tsaye filin fakin din motoci na gidan take kallo dake farfajiyar gidan.
Idan kuwa ka bude kofar arewa dake falon zaka sami kanka kana mai fuskantar wani katon lambu ni'imtacce wanda ke shake da bishiyoyi iri iri na ya'yan itatuwan alfarma dangin zaki. Saidai ka shiga kawai ka dauko abinda kake son sha ka dawo cikin falon ta kan wata matattakalar bene guda shida wacce ke lullube da shudin kishin.
Idan ko ka bude kofar dakin shakatawar ta gabas zakayi ido biyu ne da katon filin wasannin motsa jiki wanda

MURMUSHIN ALKAWARI-16
.
(m) Nazir Adam Salih
.
(c) Yarima Gangariya
.
Zakayi ido biyu ne da katon filin wasannin motsa jiki wanda ke dauke da kowace irin na'ura da mutum ke bukata na game da motsa jiki kofar karshe dake kallon yamma itace zatayi maka jagora kai tsaye zuwa katon ramin wanda na zamani wanda aka gina shi da fasalin shan zuciya an zagaye shi da furanni da kuma kujeru da yan kananan gadaje na hutawa da kuma lemomin alfarma da kan iya kare ka daga hasken rana idan ka bukaci hakan.
Sidi mai ja yayi shiru yana mayar da numfashinsa.
Idan nace zanci gaba da fasalta maka tsarin wannan gida sai munyi kwana uku ban gama ba domin da zan fara tsara maka yanayin bandakin kawai dake gidan sai mukai har magariba bankai ga siffanta ma kyawun shawar dake feso ruwan wanka a bandakin ba. Don haka abinda nake so dakai Nas shine ka biyo ni sannu ahankali mu koma cikin dakin shakatawa domin muga wainar da ake toyawa.
To ai kuma baka fada min ko gidan wanene ba. Na katse shi idi mai jaka yayi murmushi yace. Haba nas wa kake tsammanin zai mallaki wannan gida azuciyarka idan ba salim ba.
Salim! Na kira sunan cikin kaduwa.
Kwarai kuwa salim. Gidansa ne akalla dai yan mujallar fim sunce wai gidansa ne to amma jita jita na cewa wai haya yakeyi agidan to koma dai menene bari mu shiga falon gidan mugani.
To baba sidi.... Ina sauraro. Nace sannan na dada gyara zama domin ga alamu yanzu ne ma za'a fara labarin.
Sidi mai jaka ya mika busashshen hannunsa zuwa cikin kwanon tubanin ya damko wani kato mai kama da kwado ya jefa abaki ya tauna sau uku sannan ya hadiye mukut. Kamar maciji kana ya dubeni yace.
Nas acikin wannan dandasheshen dakin shakatawa na alfarma fitacciyar jaruma Kalima ce zaune akan wata kujerar alfarma dake daf da tagar dake kusa kofar arewa tana kallon ya'yan itatuwa dangin zaki dake cikin lambun.
Jaruma kalima doguwa ce wankan tarwada shekarunta ashirin da uku amma zaka iya kuskurenta asha shida domin ko kusa ko alama yawan shekarunta bai fito fili akan fuskarta ba. Me yiwuwa kwarewa ce da iya sa hoda babu mamaki kuma jin dadi ne yayi mata yawa.
Kalima sanye take da Jar riga shat da shudin wando jeans wadana sukayi matukar dame jikinta kanta babu dankwali sai bakin gashinta a fili yana sheki da daukar idanu kamar fasassun kwalabe acikin rana. Takalmin dake sanye akyawawan kafafunta launin madara ne mai tudu kamar dutsen guga daga nesa idan ka hange shi saika dauka jirgin ruwane na wasan yara. Kalima ta dora kafarta daya akan daya sannan rungume akirjinta wani katon mutum mutumine na karen ruwa mai gashi tana wasa dashi. Kwalin alewa cakulet adaf da gwiwar hannunta lokaci lokaci saita dauki cakulet ta jefa baki tana tauna abinta sannan saita dubi mutum mutumin karen ruwan tayi masa murmushi kai ka rantse da Allah me raine to amma fa duk abinda take jarumi salim na gefe guda yana kokarin sa takalminsa kuma yana lura da ita.
Ya batun maganar mu? Salim yace a tausashe batareda ya dubeta ba baikuma tsaya dasa takalminsa ba. Kalima ta shafi karen ruwan dake cinyarta sannan ta jefa dunkulen cakulet abakinta ta kalli cikin lambu ta taga.
Wacce maganar kenan? Salim yagama sa takalmin ya dago ya dubeta cikin damuwa yace.
Haba kalima yanzu ashe munyi ta magana daya kenan kamar karatu?
Kalima ta sauke kafarta dake kan daya sannan ta limshe idanu kana ta bude su lokaci guda kamar idanun yar tsanar roba.
Nifa na riga na fada ma salim bashine agabana ba.
Ba Menene agabanki ba? Salim ya tambaya yana dubanta.
Aure. Ko ba shi kake nufi ba? Salim ya sunkuyar dakai kasa cikin takaici na tsawon lokaci sannan saiya dago kai ya dubeta yace a tausashe.
Idan kikayi min haka bakiyi min adalci ba Kalima. Kalima ta juya idanunta sama tace.
Oh salim kenan kaine dai bakayiwa kanka adalci ba don yanzu ina ganin aikayi hankalin da ya kamata ka banbance tsakanin soyayya da abota.... Koda yake dai nasan kai ka wuce abokina ma saidai ko ubangidana ko kuma ince babana aduniyar fim.
Salim ya mike daga inda yake zaune sanan ya nufi kan kujerar da take zaune ya zauna kusa da ita lokaci guda kuma ya dauke mutum mutumin karen ruwan dake kan cinyarta ya dora shi akan cinyarsa. Sannan saiya dada tausasa muryarsa yace.
Yanzu ashe kalima ba kya tausayawa zuciyata ba ? Kina ganin abinda kikeyi gareni shine hanyar data dace ki yaba alherin danayi miki abaya?
Yanayin fuskar kalima ya sauya nan da nan kamar yadda kalanzir kan sauya yanayin ruwa.
Kada kayi min gori salim kada kuma ka zargeni da rashin godiya nasan cewa ka taimakeni iya taimako ka mayar mutum aduniyar fim adalilinka nayi suna aduniya kowa yake son ganina amma inason ka sani cewa bamu yi yarjejeniya da kai cewa idan ka taimakeni zan aure ka ba ko munyi ? Salim yaji wani tsini mai kamar kibiya ya soki zuciyarsa.
Bazan ce bana sonka ba salim. Kalima taci gaba da cewa musamman ma idan na tuna da irin taimakon dakayi min arayuwata amma ina son ka sani salim agaskiya ni bazan munafarce ka ba tun kafin mu had dakai nake bala'in sonka amatsayinka na kwararren jarumin fina finan hausa amma BA SO BA..

MURMUSHIN ALKAWARI-17
.
(m) Nazir Adam Salih
.
(c) Yarima A. Gangariya
.
Amma BA SO irin na aure ba... Bansani ba ko nan gaba idan ka dage da addua'a me yiwuwa kafara shiga raina amma ayanzu kam ba aure ne agabana ba. Tana gama fadin haka saita mike tsaye ta wuce kai tsaye zuwa kan kujerar daya baro ta barshi shi kadai zaune dauke da mutum mutumin kare.
Salim yaji kansa yafara juyawa kamar ana yi masa wasa da gare gare acikin kwakwalwa.
Yanzu ashe duk bayan mutuncin danayiwa yarinyar nan haka zatayi min? Ya tambayi kansa ga mamakinsa saiyaji wani zazzafan hawaye ya subuce masa cikin sauri saiya sunkuyar da kansa kasa ya boye fuskarsa ajikin mutum mutumin karen ruwan domin baya son kalima ta fahimci cewa kuka yakeyi dominta.
Sannan ahankali sai zuciyarsa ta hasko masa hoton yammacin da aka tashi da muku mukun sanyi ranar wata lahadi da daddare ranar daya tsinci Kalima agefen titin gidan zoo a tsugunne jikin wani tsohon gini jikinta na rawar sanyi kamr kaza. Salim bazai taba mantawa da ranar ba. Su hudu ne suke tafiya acikin marsandin salim akwai abokinsa Faruk wanda ke zaune agaban motar saikuma wasu yan mata guda biyu dake zaune bayan motar dukkaninsu jaruman shirin fim ne. Salim na kokarin tsallaka titi kenan sai fitilar motarsa ta hasko masa wata budurwa ita kadai atsugunne jikin wani kangon gini da ba'a kammala ba. Tana sanye da kodaddiyar atamfa amma kyawunta bai bari salim ya lura a tsummar atamfar ba.
Wannan fa? Salim ya tambayi faruk sa'ar daya hangi yarinyar. Faruk ya zunkuda kafada yace.
Waya sani... Me yiwuwa wata wahalliyar ce tabaro garinsu ta taho neman shiga fim. Ka san kullum abin sai karuwa yake. Salim ya dada haska budurwar dake tsugunne sannan ne to yaji gabansa yafadi Ras!! Domin hasken fitilar tasa ya dauko masa tsantsar kyawun daya dade baiga irinsa ba aduniyar fim.
Kai! Faruk amma ba akwaita kaga fuskarsa sai sheki takeyi...
Maza dai ka dauki aljana uban dauke dauke daya daga cikin yan matan dake bayan motar mai suna SAMIRA tace dashi. Itama kamar sauran daruruwan mata ta dade tana kaunarsa amma aboye domin tasan koda ta bayyana ra'ayinta ma abanza. Salim ya dauke kan motar ya nufi gindin tsohon ginin.
Ina kuma zaka naga ka dauke kan motar?
Mu da muke sauri salim mu fa ake jira kasan kuma shegiyar mitar SALLAU. Salim yayi murmushi yace.
Jikina ne yake bani cewa yanzun nan zan tsinci dami a kala. Faruk ya dubeshi cikin mamaki sannan ya sauke gilashin motar dake bangarensa yace.
Kana nufin gurinta zaka? Ya nuna budurwar dake rabe ajikin bango. Salim ya gyada kai.
Fuskarta tayi min ina ganin zatayi kyau idan aka dora mata kyamara waya sani ma ko ita zansa a cikin fim dina na GAIBU. Faruk ya muskuta acikin motar ya dubi salim cikin damuwa.
Gaskiya salim yakamata ka rage yawan kwashe kwashe ku yakamata ku ringa yiwa na kasanku fadan yin haka amma gashi kana kokarin aikatawa..... Kawai daga ganin yarinya bakasan daga inda take ba. Mutumiyar kirki ce munafukace baka sani ba babu wani bincike saika fara kokarin janyota jikinka... Salim yayi tsaki.
Duk wanan surutun dakakeyi shirme ne da yaushe na hadu da ita da har zan binciketa... Amma tunda bincike kake so muyi bari inje to na binciketa. Kafin faruk ya farga har ya taka birki adaf da yarinyar ya bude kofa ya fice abinsa.
Dan Allah rufe mana gilashin motar nan sanyi mukeji yan matan biyu dake bayan motar sukace da faruk a fusace ba sanyi ne ke damunsu ba. Halayyar salim ce ke damunsu.
Faruk yabi salim da kallo sa'ar daya nufi inda budurwar take zuciyarsa na kuna wannan shine abinda ke hada shi da abokinsa salim taurin kai da kuma rauni akan mata gashi idan yayi niyya babu wanda ya isa ya hana shi yin abu.
.
Budurwar ta daga kai ta kalli salim atsorace sa'ar dataji shi tsaye akanta kamar an jefo shi sannan ba'a dade ba sai fuskarta ta washe cikin farin ciki. Salim yaga kamar ma kaya kyau tayi sa'ar datayi masa murmushi.
Hakan yayi masa dadi domin tabbas yasan ta gane shi.
Salim ne ko? Ko ba shi bane? Salim ya jefeta da murmushinsa na kwararren jarumi.
Nine mana duk garin nan wake da irin wannan fuskar idan ba ni ba. Ya danyi shiru lokaci guda kuma ya sanya hannayensa biyu cikin aljihunsa kamar yadda yasabayi ga al'ada.
Daga ina kike? Me kuma kikeyi anan ke kadai bakya jin sanyi ne?
Inajin sanyi mana ta mike tsaye da murmushi
tafiya ma zanyi tun dazu nake nan ina kallon yan fim ta danyi shiru sannan saita dube shi da murmushi tace.
Amma kallon ma ai ya kare tunda na ganka har mun gaisa. Adaidai lokacin sai wata mota kirar honda ta wuce ta kusa dasu hasken fitilar motar ya haskawa salim surar wannan budurwa mai sanye da kodaddiyar atamfa. Salim yaji zuciyarsa ta harba yawun bakinsa ya kafe sa'ar dayaga kyawunta ya bayyana afili. Tun ma bata sha diresin ba kenan fa. Yace azuciyarsa.
Yanzu daga nan ina zaki? Salim ya tambayeta. Budurwar ta haskake shi da fararen idanunta tace.
Uhm... Daga nan GAMA zani can nake da zama.
Gama? Kina nufin A Birget kike? Budurwar ta gyada kai.
Acan nake amma ban dade da zuwa garin nan ba yau kwanana tara da zuwa guri

MURMUSHIN ALKAWARI-18
.
(m) Nazir Adam Salih
.
(c) Yarima A. Gangariya
.
Gama ? Kina nufin kice a birget kike? Budurwar ta gyada kai.
Acan nake amma ban dade da zuwa garin nan ba yau kwanana tara da zuwa agurin yayata nake.
Salim ya gyara tsayuwa idanunsa akan fuskarta azuciyarsa yana cewa lallai wannan kyakkyawa ita zata dace da fim din Gaibu tunda bakuwar fuska ce.
Daga wane gari kika zo?
Jama'are! Ta amsa masa kai tsaye sannan saita ja da baya.
To ni zan tafi sai mun sake haduwa.
Hakan kawai datayi shiya burge salim yakuma dauki kaunar yarinyar kai tsaye ya jefa cikin zcuiyarsa domin dan jan ajin datayi afakaice ya burge shi.
Sabanin sauran matan dake nace masa idan sun fara ganinsa ita wannan so take ta rabu dashi cikin gaggawa.
Idan baki damu ba ai sai mu rage miki hanya.
Budurwar ta rike baki cikin mamaki gamida wata yar zabura.
A'a wane ni salim ya rakani har gida ai ban isa ba. Hakan datace ya dada burge shi akaro na biyu.
Ai kinfi da haka... Ranki ya dade zo kawai mu tafi salim yace sannan sai kawai ya juya ya nufi motar. Budurwar tayi kamar bazata bishi ba saikuma taga salim ya juyo ya daga mata hannu.
Jikinta na rawa ta nufi motar sannan saitaji gabanta ya fadi ras! Sakamakon yan matan biyu data gani zaune abayan motar suna cin cingam ko waccensu tasha ado tana kamshin turare.
Shiga baya mu tafi. Salim yace da ita da murmushi sa'ar daya bude mata kofar. Budurwar ta shiga bayan motar a tsorace. Salim ya mayar da kofar ya rufe.
Koda salim yaja motar suka fara tafiya sai budurwar ta dubi yan matan biyu a tsorace tace.
Sannunku! Yan matan biyu suka marmatsa gefe guda lokaci guda sukayi mata kallon kare a karofi suka dauke kai gefe guda kana sai duk ruka rufe hancinsu da gefen gyalensu domin wai su nuna mata cewa jikinta fa wari yakeyi.
.
**** **** **** *** **** *** ****
.
Lokacin da suka karasa kofar gidansu budurwar sai salim ya fita daga cikin motar ya bude mata sannan suka koma gefe guda budurwar ta harde hannayenta akirjinta sannan ta dubi jarumi salim da fararen idanunta wadanda ke haskawa ko acikin duhun dare. Sannan saitace da shi A tausashe.
Nagode salim saikuma ko in mun sake haduwa. Salim ya girgiza kai.
Ina tsammanin gobe ma zamu sake haduwa akwai maganar danake son muyi dake.
Budurwar taji kamar a mafarki dan haryanu ta kasa imani da cewa wai yau itace tsaye tareda jarumin jarumai salim suna hira harma yana son sake haduwa da ita. Hakika wannan abin ta bada labarine idan ta koma garinsu.
Dan Allah da gaske kake zaka dawo goben? Ta tambaya baki bude. Salim ya gyada kai yace.
Zan dawo mana ko bakya sha'awar shirin fim? Budurwar taji wani dadi ya kamata cikin sauri ta gyada kai.
Ina sha'awa mana... Abin kenan fa dayasa nazo garin nan... Amma ina fargabar kamar bazanyi kyau da shirin fim ba. Salim ya dubeta ya fashe da tattausar dariya yace.
Kibari sai ranar da muka shirya ki sannan ki dubi kanki a madubi saiki yankewa kanki hukunci.
.
Washegari karfe goma sha daya na safe salim yazo daukar budurwar datace sunanta KALIMA.
Sa'ar data fito sai salim ya sami kansa yana mai numfashi dakyar ashe tafi kyau da rana nesa ba kusa ba. Salim ya dubi shudin leshin dake jikin kalima saiya ga kamar an rigar ta danyi mata yawa. Azuciyarsa yace me yiwuwa ma na yayarta ne ta aro. Duk da haka dai kayan sunyi mata kyau in banda takalmin ta da ya karkace gefe guda kamar tsohon kwale kwale.
Shiga mu tafi salim yace da ita cikin murmushi yana kallonta ta saman tabaransa.
Ina zamu? Kalima ta tambaya.
Gidana zamuje ki gani.... Ko tsorona kike?
Kalima ta girgiza kai tace haba dai tsoro saikace wani dodo? Ta bude gidan gaba na motar ta shiga sannan saita dubeshi da murmushi.
Jiya nafadawa yayata mun hadu dakai kai kawoni gida tace wai karya nake. Salim yayi murmushi batareda yadubeta ba sai ya sakawa motar giya suka tafi abinsu tattausan kidan sabuwar wakar fim din gaibu na tashi a hankali.
Kalima ta rufe idanunta gamida ajiyar zuciya hakika wannan mafarki ne ba gaskiya bane.
.
Lokacin da suka shiga kayataccen falon gidan kalima tayi mutuwar tsohuwa atsaye tana kallon duniyar da bata taba ganin irinta ba ko a mafarki.
Zauna mana. Salim yace da ita kalima ta dubi kujerun masu numfashi taga sai sheki sukeyi kamar ba'a taba zama akansu ba.
A.... Nan zan zauna? Kalima ta nuna daya daga cikin kujerun a tsorace. Salim ya gyada mata kai da murmushi. Kalima ta zauna ahankali kamar wacce ke kokarin zama abakin rijiya salim ya nufi kodar dakin shakatawar ta arewa ya bude kofar nan da nan sassanyar iska mai dauke da kamshin ya'yan itatuwa da furanni ta buso cikin falon. Kalima ta hangi cikin lambun baki bude.
Ina fatan kinji dadin zuwa. Salim yace sa'ar daya zauna kusa da ita. Adaidai lokacin ne to wata kofa ta bude sannan wani dogon saurayi fari dan gaya mai tarin suma duguzunzum kamar kayar bushiya ya shigo falon dauke da farantin kayan shaye shaye da tande tande ya ajiye akan dogon teburin mai shan kwai dake gabansu.
SALO dan Allah duk wanda yazo nemana bana nan. Salim yace da saurayin mai suna Salo wanda ya kasance shine....

MURMUSHIN ALKAWARI-19
.
(m) Nazir Adam Salih
.
(c) Yarima Gangariya (Jikan Baba Sidi Mai Jaka)
.
Salim yace da saurayin mai suna Salo wanda ya kasance shine babban yaronsa wata sa'ar ma tare suka tafiya duk inda zashi.
An gama oga. Salo yace gami da dan rankwafawa kaikace ba sa'ansa bane. Salim ya dauki wayarsa ta tafi da gidanka ya mikawa salo yace. Ga wannan ma duk wanda ya kirani kace bana kusa. Salo ya karbi wayar ya fakaici kallon kyakkyawar fuskar Kalima. Yayi fito sannan ya fice daga falon yana tafiya yana dan tsalle kamar gurgu.
.
Bayan ficewar salo ne sai matasan biyu sukaci suka sha batareda sunyi wata kwakkarar magana ba.
Kina sha'awar yin harkar fim kuwa kalima?
Salim ya tambaya bayan sun gama cin abincin.
Kalima ta sunkuyar da kai kasa tace meyasa kayi min wannan tambayar.
Saboda ina ganin zakiyi bala'in dacewa da shirin fim.... Dole ne ma kyakkyawa kamar ta dace. Kalima tayi murmushi kanta a sunkuye
kaidai ka cika zuga. Salim ya girgiza kai ba zuga bace Kalima Allah fuskarki abar gani ce akan kyamara. Kalima ta sunkuyar dakai na tsawon lokaci can saita dago kai ta dubeshi tace.
Jiya munyi maganar da yayata kuma ta amince fuskar salim ta washe azuciyarsa yana addu'ar Allah yasa ta amince har ta aure shi nan gaba. Kin amince kenan? Kalima ta gyada kai da murmushi.
.
Wannan shine farkon faruwar komai. Tun daga wannan ranar salim yazama bawanta baya jin maganar kowa sai ta Kalima su Samira da sauran yan matan dake karkashin kamfanin fim dinsa duk Kalima tasa ya kore su. Ance a shekarar ne kalima tafara fitowa acikin fim din gaibu fim din dayayi tashen da ba'a taba samun wani fim dayayi koda rabinsa ba. Hakan nan ance salim shine cin kalima shine shanta shine cin yan gidansu jita jita na cewa hatta rubabben gidansu yayar kalima ma saida ya ruguje shi aka sake musu sabo aka dora musu bene. Asaman benen ne kalima ta tare salim ya hada mata kayan alatun duniya adakin sannan ya saya mata kayan sawa sama da kala dari da ashirin ance wai idan akullum kwanan duniya kalima zatasa kaya kala uku iri daban daban saita shekara hudu bata maimaita sa wasu kayan ba. Wannan shiyasa ta zama uwar jarumai mata yan shirin fim. Kulluma suna tare agindinta idan tasa kaya sau daya bata kara sawa saita zabi wata daga cikin yan matan dake karkashinta ta bata har layi yan matan keyi na karbar kayan.
Ranar Tara ga watan satumba shekarar milidiyya ta dubi biyu da hudu salim yayiwa jaruma kalima kyautar sabuwar mota kirar marsandi mai budadden sama. Wannan kyauta dayayi mata gaisuwa ce da rokon iri domin a iya tsawon zaman da sukayi da kalima ya tuntube ta da maganar aure sau arba'in da bakwai amma sai kalima ta shiritar da zancen. Wannan al'amari yafara damun zuciyar salim domin akullum kwanan duniya idan ya kalli kalima saiyaga kamar kara kyau takeyi gashi kuma aduk cikin kowane minti daya sunanta sai kara yaduwa yakeyi aduniyar yan kallon fina finan hausa. Farin jininta na dada karuwa. Salim na fargabar idan yayi wasa yanaji yana gani kwado zaiyi masa kafa ya koma ruwa don tabbas ko ba dade ko bajima wani mai karfin aljihun zai sako kai ya aure kalima yanaji yana gani. Wannan shiyasa salim tunani duk da irin kyautattukan hauka dayakeyi mata saiyaga kamar sunyi kadan dan haka awannan rana ta tara ga wata sai ya sayo mata wannan mota kirar marsandi sannan awashe garin ranar ne yake tambayarta maganar aurensu sai gashi bayan duk wahalhalun dayayi mata abaya ya yada sunanta aduniya ya mayar da ita mutum amma kalima harta sami ikon daga ido ta dube shi tace wai ba aurene agabanta ba.
Kai wannan rashin godiya dayawa yake.... Ai ko alkunya tayi min. Salim yace da kansa sa'ar daya dawo daga dogon tunanin.
Sannu ahankali saiya goge hawayen dake idanunsa awayance sannan ya dauke mutum mutumin karen ruwan ya ajiye agefe guda sannan ya dubi kalima wacce ke can inda yabaro zaune tana taunar cakuleti abinta.
Ni... Zan fiya... Yace da ita muryarsa na rawa zuciyarsa na kuna.
Gida zan mayar dake kokuwa anan zan barki harna dawo. Kalima ta kada masa idanu kafin tace.
Wankin kafa nake son ka kaini. Salim ya danyi shiru.
Kinsan dai sauri nakeyi kuma jirana akeyi... Ba ga motar ki nan ba ki tafi mana ke kadai. Kalima ta zunkuda kafada ta turo baki gaba tace.
Ni naki kai nake son ka kaini. Abinda salim baisani ba shine duk da irin jan ran da kalima keyi masa tana alfaharin duk inda zata aganta tareda fitaccen jarumi salim.... Kuma wani abin ban haushi tana masifar kishinsa kamar bala'i don ko nan da can bata son su rabu don kada ma wata ta sami shiga zuciyarsa.
Haba kalima ga motarki nan tafi aciki mana ki barni ni in tafi gurin shooting din nan.
Kalima ta hada rai ta dubeshi a fusace.
Kaga in bazaka kaini ba shikenan yar motar daka bani jiya har ka fara sa mata ido? To ni banyi niyyar fara fita yawo acikinta ba ta mike tsaye a fusace ta nufi kan kujerar da salim yake ta warci mutum mutumin karen ruwanta afusace ta juya zata fice daga dakin sai wayar salim tayi wani sassanyar sauti. Kalima ta tsaya cak atsakar dakin kamar an soka mata kibiya....

MURMUSHIN ALKAWARI-20
.
(m) Nazir Adan Salih
.
(c) Yarima Gangariya
.
Kalima ta tsaya cak atsakar dakin kamar an soka mata kibiya ta riga tasan me sautin wayar ke nufi alamu ne da ke nuni da cewa sabon sakon wasika yazo awayar. Idan hara akwai abinda kalima ta tsana shine yan matan da a kullum sai sunyi masa sakon wasikar gaisuwa kokuma soyayya ta cikin waya.
Wace tsinanniyar ce kuma? Kalima ta tambaya a fusace lokaci guda kuma ta juyo zuwa inda salim yake zaune ta rankwafa akusa dashi. Suka fara karanta sakon dake kan fuskar wayar kamar haka:
..... NASAN BAKA SANNI BA AMMA NI NA DADE DA SANINKA DOMIN KAINE KESA ZUCIYATA FARI KAINE FITILAR IDANUNA ADA INA NESA DAKAI AMMA AYANZU INA DAF DA KAI ME YIWUWA MA KANA IYA JIN NUMFASHINA AKAN KYAKYKYAWAR FUSKARKA. NAN BADA DADEWA BA ZAKA ZAMA SARKI IN ZAMA SARAUNIYAR KA.... I CARE.
Nice FALMATA.
.
Shegiya tsinanniya kalima tace a fusace bakinta na rawa sannan saita warce wayar daga hannun salim cikin sauri ta daddana madannan wayar ta goge sakon wasikar sannan ta mika masa wayar tace tana huci tashi mu tafi. Salim ya dubeta cikin mamaki yace ina zamu? Kalima ta rike hannunsa ta kankame tace Inda zaka. Cikin mamaki salim ya sake dubanta yace.
Kikace kuma wankin kafa zaki. Kalima ta girgiza kai ta dada kankame hannunsa a tausashe.
Nafasa zuwa dakai zamu tafi inda zaka. Salim ya mayar da wayarsa aljihu sannan ya wuce gaba kalima tabishi abaya. Azuciyarsa yace YAU NA HADU DA JARABA.
.
HUDU 4
.
'Yaya kayi shiru? Cigaba mana baba sidi. Naji ka ambaci sunan mutumiyata falmata kana nufin kace har ta sauka a kano? Baba sidi ya yi murmushi sannan ya mike wuyansa kamar zakara yace.
Samo min ruwan sha Nas. Wannan tubanin duk ya mimmike min awuya cikin sauri na mike tsaye na zagaya bayan gidan sidi mai jaka na shiga wani shagon sayar da kaya dake daf da kasuwa na sayo jakar ruwa biyar cikin sauri na dawo na ajiye ledojin ruwan agabansa azuciyata ina ta tunanin zuwan falmata kano.
Sidi mai jaka ya dauki jakar ruwan daya yasa tsofaffin hakoransa ya huda ledar sannan yasa abaki Ja daya ya zuke ruwan ya jefar da ledar kana ya sake daukar ledar ruwa ta biyu ya zuke sannu ahankali ya zuke guda hudu sannan ya dubeni yace.
Wani lokacin tubani ba ruwa hadarine bakaji yadda suka tokare min kirji ba kamar na hadiyi tabare. Na bushe da dariya nace.
Ai kana kokari ma baba sidi dan ni da tubani saidai daga nesa nesa sidi mai jaka ya girgiza kai.
Kaga kuwa ba karamar asara kakeyi ba rashin cin tubanin nan don baka san dadin da nakeji bane shiyasa kullum nayima tayi bakasan ci.
Wata rana zanyi kokari na gwada cin kwaya daya nace dashi duk kuwa da cewa nasan abu ne mai wuya. Sidi mai jaka yayi kamar ya dauki ragowar jakar ledar ruwan sanyi data rage ya shanye can dai saiwata zuciyar tace ya bari tukunna sai anjima. Maimakon haka sai ya dauki tubani guda ya jefa abaki ya dubeni.
Nas gashi dai har Allah ya kawo mu karshen zarurrukan labarinmu guda uku kuma yanzun nan zan kulluma su guri guda. Ya danyi shiru.
Ina fatan kana biye dani. Na gyada kai.
Sidi mai jaka ya gyara zama yace bari to mu fara kulla zararrukan labarin guri guda. Sannan sai yaci gaba.
.
Acikin wani kayataccen madaidaicin daki a Ni'ima hotel dake nan kanon dabo falmata ce kwance akan gado wayar ta tafi da gidanka ahannunta tana danne danne cikin murmushi daga inda take kwance takan jiyo sautukan jaruman fim din dakee daukar shirin fim acikin otal din. Tun sa'ar data sauka a otal din kwanaki biyar da suka shude ta sami labarin cewa jaruman zasu zo otal din daukar shirin fim acikinsu harda jaruminta SALIM.
Ranar lahadin data baro garin borno ta shigo kano karfe uku na dare dauke da katuwar jakarta. Dan kabu kabun daya dauketa ne ya kaita ni'ima otal sakamakon tambayarsa da tayi na ya kaita wata kebantacciyar otal mai kyau.
Lokacin da kan kabu kabun ya sauketa saita zaro naira dari biyar ta mika masa dan kabu kabun yayi kokarin yabata canji saita girgiza kai ta haske shi da murmushin alkawarinta tace.
Kabar shi kawai... Na gode ta juya ahankali tana rausaya kamar bishiyar turare lokacin iskar damina ta nufi wajen karbar baki.
Dan kabu kabun yabita da kallo har saidata bace sannan ya girgiza kai sannan ya tuka babur dinsa cikin farin ciki ya tafi abinsa murmushin datayi masa yafi kudin data bashi faranta ransa azuciyarsa yace. Matar wani bata wani ba.
Washegarin ranar da safe falmata ta dauke shatar mota tace da direban ya kaita inda ake cankin kudin kasashen waje direban bai tsaya da ita ako ina ba sai a wafa fagge falmata ta canza kudi na akalla naira dubu dari uku sannan direban tasi din ya daukota akan hanyarsu ta dawowa falmata ta sayi jaridu akalla kala bakwai bayan data dawo dakinta ta kwanta saita fara bin jaridun daya bayan daya tana karantawa har ta gama bataga wani labari daya keda alakar mutuwar mijinta ba. Kuma har wannan rana ta juma'a da take kwance akan gadon wayarta ahannu tana kokarin turawa abin kaunarta salim sako na biyu babu wata jarda data buga labarin mutuwar mijinta.
Falmata ta sauko daga kan gadon sa'ar data.

MURMUSHIN ALKAWARI-21
.
(m) Nazir Adam Salih
.
(c) Yarima Gangariya
.
Falmata ta sauko daga kan gadon sa'ar da ta tabbatar da cewa sakonta na biyu ya tafi izuwa wayar Salim sannan saita nufi tagar dakin ta leka. Daga inda take tsaye yana iya hangen salim tsaye akusa da wasu jerin kyawawan fulawowi gajeru wata budurwa gwanar iya sa hoda da jan baki akusa dashi.
Shegiya nacacciya. Falmata tace tana murmushi. Kusan mintuna talatin kenan falmata na lekensu ta tagar dakin kuma ta lura a iya tsawon mintuna talatin din nan duk inda salim zai motsa wannan budurwa na biye dashi kamar inuwa. Da farko falmata bata gane budurwar ba sai daga baya data yi nazarin fuskar da kyau sai falmta ta fahimci budurwar amatsayin Kalima. Jarumar data sha ganinsu tare da salim acikin finafinan hausa da dama.
Falmata na nan gindin tagar dakin tana lekensu zuciyarta na tafasa da wutar kishi. Ayanzu kam duk duniya babu wacce ta tsana kamar kalima da zata mutu ma alokacin to da haka tafi so. Jaruman biyu na nan tsaye can sai falmata taga kalima ta dora hannunta a kafadar salim. Falmata ta zabura ajikin tagar dakin sa'ar dataji wani abu mai kamar kibiya ya soki zuciyarta.
Kadan ya rage ta fada waje ta cikin tagar dakin.
Bi ahankali yarinya falmata kada ki kashe kanki a banza abinda ko saninki ma baiyi ba. Wata zuciyar ce ke cewa da falmata haka.
Falmat tayi ajiyar zuciya sannan ta dubi fuskar wayar tafi da gidanka tayi tsaki wannan shegen sakon ma haryanzu yaki zuwa gare shi. Mintuna goma suka shude falmata na nan tsaye tana lekensu can saitaga wani farin saurayi mai gashi duguzunzum yazo ya tsaya agabansu salim. Sukayi dan kus kus da saurayin sannan sai taga salim ya kama hannun kalima sun nufi wani bangaren kayataccen gini dake fuskantar ginin da take ciki. Falmata ta lumshe idanunta ta daina ganinsu ji takeyi kama zuciyarta zata fasa kirjinta ta fito saboda masifar kishi.
Bayan wasu yan dakiku saita bude idanunta. Gurin babu kowa sai wani dan siririn lebura mai dan karamin kai kamar kwakwa ke sintiri agurin dauke da wani shudin bokiti na roba. Falmata ta kurawa inda ta tabbatar da cewa nan su salim suka shiga idanu. Kana sai ta juyo zuwa tsakar dakin ta nufi akwatin kayanta na musamman data tanada dan wannan muhimmiyar rana datake fatan yin ido da ido da babban masoyin zuciyarta Salim.
Sa'ar da falmata tagama sa kayan saita nufi madubi ta zauna sannan tafara dube dube da goge goge duk kuwa da cewa dazu saida tayi sama da sa'a guda tana kwalliya.
Falmata ta sake kallon kanta ajikin madubin ta juya hagu ta juya dama saitayi wa kanta murmushi domin tasan duk duniya babu namijin da zai ganta yawun bakinsa bai kafe ba. Cikin sanda tana tafiya kamar hawainiya saita bude dakin sannan ta wuce zuwa falo daga nan kuma tabi ta tsakanin jerin shuke shuken da ke kofar dakinta na musamman ta nufi inda su salim suka tsaya dazun. Sa'ar data isa gurin saita jingina bayanta adaidai da inda salim ya jingina bayansa lokacin daya tsaya agurin.
Adaidai lokacin to leburan nan mai sintiri ya dawo zai wuce ta gurin dauke da bokitin robarsa ahannu nan take sukayi ido biyu da falmata mutumin yaji numfashinsa ya tsaya cak. Domin ya dauka aljana ce ta bude masa idanu.
Shekarunsa ashirin yana aiki a otal daban daban amma tun dayake bai taba ganin mutum da kyawun aljanar dake gabansa ba.
Mu...tum.. Ko aljan? Ya tambayi falmata a tsorace. Falmata ta dubeshi a fusace tace.
Shashashan banza ka taba ganin aljan ba kofato? Bace min da gani bakinka ya isheni da wari. Dan siririn mutumin ya zuga aguje har sa'ar daya isa wajen karbar baki bai yarda cewa ba aljana yagani ba.
.
**** ***** ***** ***** ********
.
Salim ya share gumi daga kan kyakkyawar fuskarsa adaidai lokacin da dan gajeren daraktan mai kai kamar masaki ya dakatar da daukar shirin fim din. Kusan mintuna arba'in kenan suna daukar bangarorin fim din babu ko kakkautawa. Mutum takwas ne acikin dakin daga cikinsy akwai darakta, mai daukar hoton kyamara, sai me yiwa jarumai kwalliya dakuma mai kula da sa kayan jarumai sauran mutum hudu din duk jarumai ne. Duk wanda ka kalla acikin mutum takwas din sai gumi yake yana naso kamar waina saboda zafi sakamakon na'urar sanyaya dakin da aka kashe da gudun kada sautinta ya shiga cikin abin daukar maganar magana sannan kuma bugu da kari ga hasken fitilar mai mugun haske da feso zafi wacce take amfani wajen haskaka dakin da kuma fuskokin jaruma domin asami hoto mai inganci da haske ba duhu.
Kai nifa zafin nan ya ishe ni zanyi waje na dan sha iska. Salim yace yana goge zufa daga goshinsa.
Kana iya zuwa kasha iska kafin adan jima na tura akirawo ka. Dan gajeren daraktan ne ke magana batareda ya dubi salim ba idanunsa akan takardar dake dauke da labarin dim din da sukeyi.
Yawwa dan dagizge. Salim yace da dan gajeren cikin murmushi sannan ya nufi kofa aguje domin yasan inda ya tsaya jifansa zaiyi da duk abinda yafara zuwa hannunsa.
Zaka dawo ne ka sameni... Dan banza da tsayi kamar hanya. Daraktan yace adaidai lokacin ne Kalima ta mike tsaye zumbur zatabi bayan salim.
Ina kuma zak

MURMUSHIN ALKAWARI-25
.
(m) Nazir Adam Salih
.
(c) Yarima A. Gangariya
.
Na gane ki..... Tayaya zan manta dake LARI.
.
BIYAR 5
Sidi mai jaka yayi wata doguwar hamma kamar zai yaga baki lokaci guda kuma ya dubi kwanon tubanin cikin takaici domin duk yawan tubanin nan ya hadiddiye shi bai fi dunkule biyar ba acikin kwanon.
Kai... Wallahi nafara Jin barci Nas. Sidi Mai Jaka yace lokaci guda kuma ya dada dame baki kamar kada ya dada yin wata hammar akaro na biyu.
Amma dai ko barci kake ji zaka karasa min ko baba Sidi? Na tambaye shi cikin kaduwa domin ba karamin aikin Sidi mai jaka bane ya ajiye labarin anan sai kuma mun sake haduwa idan kuwa yayi haka ba karamar gamawa dani yayi ba domin yanzu ne ma labarin ya faro dadi.
Kada ka damu Nas. Baba Sidi yace dani yana duban agogo
Sai yanzu ma sha biyu tayi bari nayi sauri mu gani ko na karasa maka kafin lokacin Sallar azuhur.
Yawwa baba Sidi nagode. Nace dashi. Sidi mai jaka ya dube ni kana ya tura busassun yan yatsun sa cikin farin gashin sa yace.
Kaga Nas sannu a hankali na hade maka zararrukan labarin nan guri guda ko? Na gyada kai bance komai ba.
Yawwa to bari kuma mu shafawa zararrukan labarin kala mu ga abin da zasu bamu. Ya danyi shiru kana saiya dubeni yace.
.
A daidai lokacin da duk wannan ke faruwa a gidan jarumi salim. Falmata na can dakinta kwance cikin zullumi domin ta fahimci cewa ita da sake fita waje da hasken rana sai baba ta gani dole ne ta fara halin Mujiya.
Al'amarin daya jefata cikin zullumi yafara ne tun adaren jiya bayan ta fito daga wanka zuciyar ta fari fat domin ga dukkan alamu mafarkin data dade ta nayi shekara da shekaru ya kusa zama gaskiya.
A tunanin falmata sa'ar data fara kokarin gabatar da kanta ga salim ta cikin waya ta dauka saita dade tana tarairayar sa kafin ma ya yasami damar kula ta. Amma ga mamakin ta sai taga ashe ma salim din arahar gani ne dashi kamar rana koda yake sa'ar data dawo dakin bayan sun rabu da salim ta sake duban kanta ajikin madubin saita yiwa kanta murmushi tace da kanta.
Banyi mamaki ba don na ruda shi.... Domin ni kaina idan na dubi kaina rudewa nake.
Falmata ta riga tasan tagama kame zuciyar salim abin kawai take bukata shine sake haduwa gobe ko shakka batayi rabuwar salim da wannan nacacciyar mai fuska kamar robar yazo karshe.
Da wannan kwarin gwiwar falmata ta fito daga wanka daure da tawul a kirjinta kamar yadda ta saba ga al'ada kafin ta nufi kan gado sai taga yadace ta saurari wakokin Fina finan salim.
Ko ta dada samun kwanciyar hankali tana rausaya ta nufi inda yar redion ta yake wacce ta zo da ita cikin akwatin kayan ta tare da kasa kasan wakokin fim din salim sa'ar data dauko rediyon ne wata zuciya ta ce da ita tun fa da kika zo garin nan baki saurari gidan rediyon su ba.
Wannan tunani shiyasa falmata kunna rediyon kunnawar ta keda wuya sai ta ji wakar wani fim din salim data taba gani na tashi a rediyon cikin sauri falmata ta dauki rediyon ta karo sauti sannan ta kwanta rigingine akan gadon rediyon a ruwan cikin ta idanunta a lumshe ta ci gaba da jin daddadan sautin da a zuciyar take tsammanin muryar babban masoyin ta salim ce tana nan cikin wannan hali kwatsam sai aka dakatar da wakar sannan ne to zazzakar muryar mai labaran ta bayyana inda ya kira shirin da sunan INDA RANKA.
Falmata tayi tsaki zata kashe rediyon sai ta ji mai labaran yafara karanto kanun labaran kamar haka.....
....... WATA MATA MARAR IMANI TA SOKE CIKIN MIJINTA DA WUKA YA SHEKA BARZAHU A YANZU HAKA JAMI'AN TSARO NA NAN SUNA NEMAN TA RUWA A JALLO DOMIN SUYI MATA TAMBAYOYI.... WAKILIN MU DA KE BARNO ZAI ZO MUKU DA CIKAKKEN LABARIN......
.
Falmata tayi jifa da rediyon zuwa tsakar dakin rediyon ta rabe biyu. Falmata ta lumshe idanu jikinta yafara yawa kamar mazari. Har garin Allah ya waye batayi barci ba.
Washe gari tun da sassafe ta aika a sayo mata jaridu. Ba karamar kaduwa tayi ba sa'ar da taga uku daga cikin jaridun shidan da aka kawo mata dauke suke da manya manyan hotunan ta a gefen hoton jaridar farko an rubuta kamar haka
...... SHIN KO KUN GA WANNAN?
IDAN KUN GANTA KUNA IYA SANAR DA OFISHIN JAMI'AN TSARO MAFI KUSA DAKU DOMIN ANA BUKATAR YI MATA TAMBAYOYI DA SUKE DA ALAKA DA KASHE MIJINTA CIKIN RASHIN IMANI.
A cikin sauran labarin ne falmata ta karanta hirar da yan sanda suka yi da mijinta saifullahi asibiti ashe ma saida ya kwana biyu a asibiti kafin ya mutu.
Wannan shi ya rusa duk wani mafarki na falmata yanzu kam tana riga tasan ko acikin otal din bata isa tayi yawo da rana ba domin hoton ta ya gama gari.
Dan haka a yanzu da falmata ke kwance akan gadon hawaye na zuba daga idanunta tasan cewa haduwa da salim a yanzu Abune Mai wahala domin bazata iya fita da rana ba ana farautar ta kamar mujiya. Don haka saita yanke shawarar ta buga masa waya ta sanar dashi cewa bazata sami damar zuwa ba saida magariba hannun ta na rawa ta daddanna lambobin salim sannan ta kara a kunne tana jiran salim ya dauki wayar sannan ne to ta tambayi kanta da kanta tambaya mai tsada. SHIN KWANA NAWA ZA'A DAUKA KAFIN SU KAMANI?
Ta riga tasan ko ba dade ko ba jima kudin dake jikinta zasu kare kuma jami'an tsaro zasu cimmata falmata ta fashe da kuka jikinta na rawa kamar mai zazzabi ba kamun ne yasa ta kuka ba tunanin rabuwa da salim ne ke damunta.
.
******** ******* ********* ******* ****** ******
.
KU DAKACI BABA SIDI MAI JAKA

MURMUSHIN ALKAWARI-21
.
(m) Nazir Adam Salih
.
(c) Yarima Gangariya
.
Falmata ta sauko daga kan gadon sa'ar da ta tabbatar da cewa sakonta na biyu ya tafi izuwa wayar Salim sannan saita nufi tagar dakin ta leka. Daga inda take tsaye yana iya hangen salim tsaye akusa da wasu jerin kyawawan fulawowi gajeru wata budurwa gwanar iya sa hoda da jan baki akusa dashi.
Shegiya nacacciya. Falmata tace tana murmushi. Kusan mintuna talatin kenan falmata na lekensu ta tagar dakin kuma ta lura a iya tsawon mintuna talatin din nan duk inda salim zai motsa wannan budurwa na biye dashi kamar inuwa. Da farko falmata bata gane budurwar ba sai daga baya data yi nazarin fuskar da kyau sai falmta ta fahimci budurwar amatsayin Kalima. Jarumar data sha ganinsu tare da salim acikin finafinan hausa da dama.
Falmata na nan gindin tagar dakin tana lekensu zuciyarta na tafasa da wutar kishi. Ayanzu kam duk duniya babu wacce ta tsana kamar kalima da zata mutu ma alokacin to da haka tafi so. Jaruman biyu na nan tsaye can sai falmata taga kalima ta dora hannunta a kafadar salim. Falmata ta zabura ajikin tagar dakin sa'ar dataji wani abu mai kamar kibiya ya soki zuciyarta.
Kadan ya rage ta fada waje ta cikin tagar dakin.
Bi ahankali yarinya falmata kada ki kashe kanki a banza abinda ko saninki ma baiyi ba. Wata zuciyar ce ke cewa da falmata haka.
Falmat tayi ajiyar zuciya sannan ta dubi fuskar wayar tafi da gidanka tayi tsaki wannan shegen sakon ma haryanzu yaki zuwa gare shi. Mintuna goma suka shude falmata na nan tsaye tana lekensu can saitaga wani farin saurayi mai gashi duguzunzum yazo ya tsaya agabansu salim. Sukayi dan kus kus da saurayin sannan sai taga salim ya kama hannun kalima sun nufi wani bangaren kayataccen gini dake fuskantar ginin da take ciki. Falmata ta lumshe idanunta ta daina ganinsu ji takeyi kama zuciyarta zata fasa kirjinta ta fito saboda masifar kishi.
Bayan wasu yan dakiku saita bude idanunta. Gurin babu kowa sai wani dan siririn lebura mai dan karamin kai kamar kwakwa ke sintiri agurin dauke da wani shudin bokiti na roba. Falmata ta kurawa inda ta tabbatar da cewa nan su salim suka shiga idanu. Kana sai ta juyo zuwa tsakar dakin ta nufi akwatin kayanta na musamman data tanada dan wannan muhimmiyar rana datake fatan yin ido da ido da babban masoyin zuciyarta Salim.
Sa'ar da falmata tagama sa kayan saita nufi madubi ta zauna sannan tafara dube dube da goge goge duk kuwa da cewa dazu saida tayi sama da sa'a guda tana kwalliya.
Falmata ta sake kallon kanta ajikin madubin ta juya hagu ta juya dama saitayi wa kanta murmushi domin tasan duk duniya babu namijin da zai ganta yawun bakinsa bai kafe ba. Cikin sanda tana tafiya kamar hawainiya saita bude dakin sannan ta wuce zuwa falo daga nan kuma tabi ta tsakanin jerin shuke shuken da ke kofar dakinta na musamman ta nufi inda su salim suka tsaya dazun. Sa'ar data isa gurin saita jingina bayanta adaidai da inda salim ya jingina bayansa lokacin daya tsaya agurin.
Adaidai lokacin to leburan nan mai sintiri ya dawo zai wuce ta gurin dauke da bokitin robarsa ahannu nan take sukayi ido biyu da falmata mutumin yaji numfashinsa ya tsaya cak. Domin ya dauka aljana ce ta bude masa idanu.
Shekarunsa ashirin yana aiki a otal daban daban amma tun dayake bai taba ganin mutum da kyawun aljanar dake gabansa ba.
Mu...tum.. Ko aljan? Ya tambayi falmata a tsorace. Falmata ta dubeshi a fusace tace.
Shashashan banza ka taba ganin aljan ba kofato? Bace min da gani bakinka ya isheni da wari. Dan siririn mutumin ya zuga aguje har sa'ar daya isa wajen karbar baki bai yarda cewa ba aljana yagani ba.
.
**** ***** ***** ***** ********
.
Salim ya share gumi daga kan kyakkyawar fuskarsa adaidai lokacin da dan gajeren daraktan mai kai kamar masaki ya dakatar da daukar shirin fim din. Kusan mintuna arba'in kenan suna daukar bangarorin fim din babu ko kakkautawa. Mutum takwas ne acikin dakin daga cikinsy akwai darakta, mai daukar hoton kyamara, sai me yiwa jarumai kwalliya dakuma mai kula da sa kayan jarumai sauran mutum hudu din duk jarumai ne. Duk wanda ka kalla acikin mutum takwas din sai gumi yake yana naso kamar waina saboda zafi sakamakon na'urar sanyaya dakin da aka kashe da gudun kada sautinta ya shiga cikin abin daukar maganar magana sannan kuma bugu da kari ga hasken fitilar mai mugun haske da feso zafi wacce take amfani wajen haskaka dakin da kuma fuskokin jaruma domin asami hoto mai inganci da haske ba duhu.
Kai nifa zafin nan ya ishe ni zanyi waje na dan sha iska. Salim yace yana goge zufa daga goshinsa.
Kana iya zuwa kasha iska kafin adan jima na tura akirawo ka. Dan gajeren daraktan ne ke magana batareda ya dubi salim ba idanunsa akan takardar dake dauke da labarin dim din da sukeyi.
Yawwa dan dagizge. Salim yace da dan gajeren cikin murmushi sannan ya nufi kofa aguje domin yasan inda ya tsaya jifansa zaiyi da duk abinda yafara zuwa hannunsa.
Zaka dawo ne ka sameni... Dan banza da tsayi kamar hanya. Daraktan yace adaidai lokacin ne Kalima ta mike tsaye zumbur zatabi bayan salim.
Ina kuma zak

MURMUSHIN ALKAWARI-22
.
(m) Nazir Adam Salih
.
(c) Yarima Gangariya
.
Ina kuma zaki? MAKALEMATA. Dan gajeren daraktan yace da ita yana kallonta da murmushi. Kalima ta harareshi sannan tayi tsaki.
Wayace ma shi zan bi uban sa ido? Dan gajeren daraktan ya fashe da dariya yace.
Kya karata can da munafurcinki kina so kina kawai kasuwa....
Allah kiyaye... Ai kasan Wallahi salim ba saurayina bane ubangidana ne.
To indai gaskiya ne ba kya son sa me zai hana mu sasanta kinga sai in kara ta biyu da ke. Kalima ta harare shi tace cikin tsiwa.
Allah sawwaka ahaka din zan aureka?... Kamar akife da kwando.
Adaidai lokacin da dan gajeren daraktan ke cacar baki da kalima salim ya isa farfajiyar otal din wasu yan mata guda biyu sukazo wucewa ta kusa dashi sai sukayi turus domin sun gane shi don sun sha ganinsa a fina finai.
Sannu... ABBAS. Dayar datace dashi. Abbas shine sunan daya fito dashi acikin fim din Gaibu. Salim ya juyo fuskarsa ahade ya dubesu yace.
Yawwa sannunku dai sannan ya dauke kansa gefe guda. Ganin basu sami shimfidar fuska agurinsa ba sai yan matan biyu sukayi gaba kafa ba kwari amma duk da haka dai sunyi farin ciki da ganinsa azahiri.
Salim na nan tsaye adaf da wata bishiya mai kamar dabino saiyaji wayarsa ta dauki sauti cikin damuwa salim ya bude wayarsa domin yaga sakon da aka aiko.
Salim ya dubi fuskar wayar sannan yafara karanta sakon kamar haka...
.
.......TUN DAZU NAKE JIRA KO ZAKA BANI AMSAR SAKONA NA FARKO, BAKA AIKO BA SAIGASHI CIKIN IKON ALLAH KA SAKE MATSOWA KUSA DANI AYANZU HAKA MA INA IYA GANIN KYAKYKYAWAR FUSKARKA. SHIN KANA SON GANIN TAWA FUSKAR? MATSOWA GABA KAWAI ZAKAYI SAIKA SHA KWANA ANAN ZAKA SAMI FALMATA.
.
Salim ya rufe wayar ahankali cikin tsananin mamaki sannan ya dubi gabansa adaidai da inda tace yasha kwana zai ganta agurin.
Yau kuma da wa Allah ya hadani? Salim ya tambayi kansa cikin mamaki yana girgiza wayar dake hannunsa tsahon lokaci yana gurin tsaye zuciyarsa nata wasi wasi. Shin ya leka ya ganine ko kuwa kada yaje. Meyiwuwa ma wata shakiyiyarce take son yin wasa da hankalina.
Salim ya fadawa kansa. Ba'a dade ba sai yaji wayarsa ta dauki sauti mai kara cikin sauri ya daga wayar zai amsa saiyaji ta daina yin sautin.
Koda ya duba lambar wayar da aka buo saiyaga lambar falmatan dake damunsa ce dai. Hannunsa na rawa cikin mamaki ya bude wayarsa sannan saiya buga lambar ya kara a kunne ba'afi ko dakika biyar ba sai yaji acan daya bangaren ance.
Hellooo. Salim yaji gabansa yafadi tun dayake bai taba jin muryarsa mai dadin wannan ba. Wacece ke maga....na salim ya tambaya muryarsa na rawa.
Zagayo nan ka ga mai maganar mana. Aka ce dashi sannan lokaci guda ta katse wayar daga can bangaren. Salim ya dubi gawar kan wayar da ke hannunsa ya sake kallon saitin kan kwanar akaro na biyu sannan saiya nufi gurin ahankali yana tafe hannunsa na wasa da fulawowin da sukayi jerin sahu har zuwa karshen ginin inda za'a sha kwanar sa'ar da salim yaje daidai da karshen ginin saiya dan tsaya ya karkata kunne ahankali yana saurare ko zaiji motsi tsahon dakiku baiji sautin komai ba sai sautin katon injin bada wutar lantarkin dake can bayan ginannukun otal din. Sannan ne salim yaji wani irin turare mai taushin kamshi ya bugi hancinsa zuciyarsa ta harba. Duk dayake bai taba jin kamshin irin wannan turaren ba amma kamshinsa yayi kama da irin kamshin turaren mata. Salim ya jingina kafarsa jikin ginin gamida ajiyar zuciya kana yayiwa kansa murmushi yace.
Haba jarumin jarumai ya kake abu haka kamar wani farin shiga. Da wannan kalamin sai salim yasa hannayensa biyu cikin aljihu ya karya kwanar yana takama. Koda yasha kwanar sai kuma ya tsaya cak cikin mamaki domin babu kowa agurin. Salim ya dan sake matsawa gaba ahankali yana takawa daidai kamar namijin agwagwa har dai yakawo daf da wasu rukunin shuke shuken baiga wani mahaluki ba sai wasu mutane biyu magidanta daga can nesa suna busa sigari. Salim ya girgiza kai cikin mamaki gamida murmsuhi oh duniya dai baka rabata da masu son wasa da hankulan mutane. Yace da kansa sannan saiya mika hannunsa zai tsinko wani jan fure dake tsakiyar rukunin shuke shuken katsam sai yaji wani tattausan hannu ya dafa kafadarsa ta baya salim yayi mutuwar tsohuwa hannunsa makale a sararin samaniya bai iya kaiwa ga tsinkar furen ba domin ko shakka bayayi hannun mace ne ya dafa shi. Salim ya juyo ahankali tattausan kamshin turaren na bugun hancinsa yana juyowa sai yayi ido biyu da cikakkiyar halittar.
.
Kayi hakuri naga kamar na tsorata ka. Sannan saita haske shi da murmushin alkawarinta.
SUNANA FALMATA. Kai ko ba ka ma sunanka ba domin na dade da saninka falmata tayi shiru kana ta sunkuyar da kai kasa cikin murmushi hannunta na hagun akan kafadarta ta dama yayinda hannunta na dama ke dauke da wayar tafi da gidanka tana latse-latsen lambobi. Tsawon lokaci salim na tsaye yana kallon tsabagen kyau idanunsa suka dauko hoton santa santalan hannayenta suka zarce zuwa dogon wuyanta madaidaicin bakinta ma'abocin MURMUSHIN ALKAWARI.
Sannan da girar idanunta baki sidik tana sheki gashin kanta.

Ko kasan ka'idodin rubutu a Hausa
Ka'idodin rubutu a Hausa sune;
SUNAYEN YANKA
Ana fara rubuta sunan yanka ne da babban Baƙi misali;
1. Abubakar ba abubakar ba
2. Dauda ba dauda ba
3. SUNAN ALLAH
i. ALLAH ba allah ba
4. Arrahman ba arrahman ba

SUNAYEN GARURUWA
1. Gombe ba gombe ba
2. Zariya ba zariya
3. Bauchi ba bauchi ba
4. Abuja ba abuja ba
5. Yobe ba yobe

SUNAYEN RANEKU
1. Alhamis ba alhamis ba
2. Juma'a ba juma'a ba
3. Asabar ba asabar ba
4. Lahadi ba lahadi ba
5. Litinin ba litinin ba
6. Talata ba talata ba
7. Laraba ba laraba ba

SUNAYEN MALA'IKU
1. Jibril ba jibril ba
2. Ridwan ba ridwan ba
3. Mika'il ba mika'il ba
4. Maliku ba maliku

SUNAYEN SARAUTU
1. Sarki ba sarki ba
2. Waziri ba waziri ba
3. Galadima ba galadima ba
4. Tolba ba tolba ba
5. Chiroma ba chiroma ba
6. Yarima ba yarima ba
7. Sarauniya ba sarauniya ba

SUNAYEN WATANNI
1. Janairu ba janairu ba
2. Febrairu ba febrairu ba
3. Afrilu ba afrilu ba
4. Satumba ba satumba ba

AMFANI DA WAKILIN SUNA DA DIRKA.
AMFANI DA WAKILIN SUNA DA DIRKA
A harshen Hausa Akwai dirka iri biyu (2)
Ne da Ce.
Ne : Ana amfani dashi ga namiji
Ke: Ana amfani dashi ga mace.
To sau da Yawa zaka ga masu rubutu basa iya banbance yadda ake rubutasu. To ba'a hada wakilin suna da dirka!
MISALI:
1. Ni ne ba nine ba
2. Ni ce ba nice ba
3. Kai ne ba kaine ba
4. Shi ne ba shine ba
5. Ita ce ba itace ba
6. Mu ne ba mune ba
7. Ku ne ba kune ba
8. Su ne ba sune ba
* Na farko shi ne daidai.

AMFANI DA WAKILIN SUNA DA AIKATAU.
To sannan akwai kuma inda ake amfani da wakilin suna da aikatau, wato aikatau shi ne yin wani aiki.
Shi ma a wannan da yawa zaka ga mutane basa iya rabewa tsakanin wakilin suna da aikatau. Misali: Na ci
Sai kaga mutun ya hade shi, to ba´a hadewa. MISALI:
1. Na ci ba naci ba
2. Ka ci, ba kaci ba
3. Kin ci, ba kinci ba
4. Ya ci, ba yaci ba
5. Ta ci, ba taci ba
6. Mun sha, ba munsha ba
7. Kun sha, ba kunsha ba
8. Sun sha, ba sunsha ba
9. Na je, ba naje ba
10. Kin je, ba kinje ba
11. Kun je, ba kunje ba
12. Sun je, ba sunje ba
13. Na yi, ba nayi ba
14. Ka yi, ba kayi ba
15. Kin yi, ba kinyi ba
16. Ta yi, ba tayi ba

WAKILIN SUNA DA LAMIRIN LOKACI.
Sannan Kuma Akwai Wakilin suna da lamirin Lokaci
To Sukuma Wadannan hadasu akeyi.
Amma Sai kaga Wasu suna rarrabawa. Suma bari muka wo Ire-irensu.
Misali:
1. Ina wasa, ba I na wasa ba
2. Kana ba ka na
3. Kina, ba ki na ba
4. Suna, ba su na na
5. Tana, ba ta na ba.

LOKACI SABAU DA WAKILIN SUNA.
"To San nan akwai abinda ake kira kuma Lokaci Sabau da wakilin Suna to Shima wan nan hadeshi akeyi Shima ga misalinsa:
Misali:
1. Nikan je, ba ni kan je ba
2. Kakan je, ba ka kan je ba
3. Yakan je, ba ya kan je ba
4. Takan je, ba ta kan je ba
5. Kukan je ba Ku kan je ba

HARDADDUN KALMOMI.
Sannan akwai Hardaddun kalmomi, su kuma wadannan ana amfani ne da karan-dori wajen rarrabesu. To zaka ga wasu kawai suna rubutasu ne ba tare da sun sanya karan dorin ba.
Su ma bari muga misalensu.
MISALI:
1. A-Kori-kura ba, akorikura ba
2. Babba-da-jaka
3. Ba-ji-ba-gani
4. Ci-rani
5. 'Yan-ba-ni-na-iya
6. Fadi-ka-mutu
7. Ci-ma-zaune
8. Gaya-wa-jini-na-wuce