RALIYA-21
.
Idon Gwal din ko kuma idan mujiya a cewar
tabawa mai abinci" ta taso cikin fushi ta nufi
inda 'yar fingililiyar kawarta take" suka taru suna iza wuta tare suka kalli juna suka yatsina fuska domin kuwa sun tsani wannan dunkulalliyar matar tana bada su a gaban kwastomomi baki" tana zaginsu don ta ga ita ce shugaba" to amma kuma da ace sun shirya sun zauna a dakunan aurensu domin raya sunnar fiyayyen halitta" anya kuwa irin wannan cin mutuncin zai same su?
Daga nan sai ta mayar da hankali akan dan
daudun yana zaune akan kujera ya juya musu
baya" yana fere kabewa ya kima wani katon zani akan shi kaya guda yana rangwada sannu ahankali yana rera wata waka ta garaya da yake
yawan cashewa da ita a duk lokacin da biki ya
tashi" aka gayyace shi hawa bori" tabawa tace
dashi "ke kuma idan kin gama wannan fera kabewar ki shigo ina son ganin ki zan aike ki wani wuri
"Gamsameman katon wanda zai iya kayar da
bajimin sa" ya lankwashe bayanshi bai waigo ba ya matse muryarshi kafin yace da ita cikin
girmamawa. "Gani nan zuwa idan na gama yaya.
Samari ukun dake jiran a sauke doya a cikin
kwastomomin suka harari dan daudun a lokaci
guda" su kadai suka san dalilin zuwansu wajen
wadannan gayyar tsiyar karuwai da 'yan daudu"
GARABASA. 4gb Data Kyauta Daga kamfanin AIRTEL

amma ba abinci ya kawo su ba.
Hajiya Tabawa ta koma cikin tsohuwar rumfar
kwanon inda take shimfida tabarma ta zauna da muhimman bakinta na sirri" wadanda ke zuwa kullum" yawancinsu tsofaffin bariki ne" da suke nemanta da kuma watsatstsun kawayen ta wadanda suka gujewa shiriya tun tali-tali
Bata dade da komawa cikin rumfar ba" kamar
daga sama sai ga wata bakuwa tazo wajen" ga
alama taci uban tafiya wujiya-wujiga da ita" duk
tayi zufa" tasha rana" amma kuma duk da haka
tana dauke da wani murgujejen akwati a
hannunta" da ganinta tafi kama da sababbin
shigowa bariki" ko kuma babu mamaki tsohuwar hannu ce
tayi canjin gari ne shine ta fado wajen sayar da
abinci" domin kuwa tasan cewar a irin wadannan wuraren suke samun helkwatar da za'a amshesu
Don haka kowa yayi tsammanin wannan katon
akwati dake a hannunta duk barazana ce babu
wata tsiya ke a cikin shi ba" sai 'yan
tsummokaranta na sawa da kayan kwalliya da
ba'a rasa mata dasu a jaka duk wuya"
"to amma kuma da ace wannan bakuwa zata dan bude akwatin ko kadan" kwastomomin da kuma karuwan su leka suga abinda ke a ciki" to da babu mamaki wasu zasu sume a wajen saboda tsananin kaduwa"
Bayan da bakuwar ta gaishesu sai tace kai tsaye "Nazo wajen Hajiya tabawa ne"
"Jiniya ta dago kai daga inda take a bakin
murhun tana hura wuta" duk hayaki ya cika mata idanu" tace da bakuwar"
"ki shiga cikin rumfar tana nan
Bakuwar ta shiga cikin rumfar dauke da katon
akwatin ta" wasu daga cikin kwastamomin sai
kallon hadarin kaji suke yi mata" domin kuwa
yawanci sun bada cewar ita ma ai 'yar zaman
kanta ce" wacce tazo neman taro da sisi daga
garin su"
"yan matan karuwan biyu da kuma dan daudun
suma a wulakance suke kallonta" domin kuwa
basu san a kawo musu wata bakuwa ta zauna acikinsu" Abinda duk wadannan mutane basu sani ba shine Wannan bakuwar wata tsohuwar aminiyar Hajiya tabawa ce" wacce suka dade da shakuwa tun awani yawon bariki da ya hadasu" kuma wannan akwatin dake a hannunta idan aka zazzaage
abinda ke a ciki zai iya samar da tituna da
makarantu da asibitoci da fanfuna da wutan
lantarki a duk fadin wannan karamar hukuma tasu
Gabaki daya mutanen sunyi mamaki da sukaji
Hajiya tabawa da ke a cikin rumfar ta taso cikin
farin ciki ta tarbi bakuwarta tana cewa cikin
Zumudi
"Ashe rai kanga rai Asabe?" sannu da zuwa
kawata" ashe kina nan a raye ina kika shiga
shekara da shekaru?" sannan kowacce ta kama
hannun kawarta suka tafa suna dariya da shewa
.
=====>+++++++++++++++++++<=====
.
Minti talatin bayan haka lokacin da doyar ta
karasa nuna aka zubawa samari ukun dake zaune suna jira sai suka fara kaiwa baki, hannu baka hannu kwarya. Suna cin abincin suna sauraren
duk wata hira da karuwan keyi da dan daudun"
Bayan sun gana an kawo musu ruwa" sai babban cikinsu wanda kuma ga alama shine jagoran tafiyar su yace da jiniya nawa ne kudin ku? tace dashi tana juya dan firirin wuyanta"
"dari biyu da arba'in ne
Saurayin yayi murmushi kafin ya ciro kudin ya
bata" ita a tsammaninta kwarkwasar da tayiwa
saurayin ya burgeshi" har yake yi mata fara'a
Abinda bata sani ba" shine siririn wuyanta da yagani shi ya tuno masa da wata mata da ya
darzama wuka a wuya wata uku da suka wuce"
lokacin da suka shiga gidanta yin fashi taki basu hadin kai" ta fito musu da gwal-gwalan da aka basu labarin ita ma ta boye a gidanta
Yanzu da saurayin ya kalli wuyan jiniya saiya fara tunanin abubuwan mamaki" itama tana bukatar wukar zuwa anjima da daddare"
Idan har suka shigo gidan Hajiya tabawa yin fashi da makami kamar yadda suka kudiri aniya ba wani dalili da yasa suka zo cin abinci awajen matar ba" sai don su fahimci yadda take gudanar da al'amuranta" da kuma lokacin da take tashi daga kasuwa ta koma gida"
wannan ya zame musu kamar al'ada duk lokacin da zasu je sata sai sun bi mutum sannu a hankali sun ga yadda yake gudanar da sha'anin rayuwarshi" sannan sai suyi mishi dirar mikiya idan dare yayi
Koda yake a tarihin wannan muguwar sana'a tasu basu yiwa maza sata" sai dai mata" domin kuwa sun fahimci mata sunfi maza bada hadin kai cikin sauri idan suka ga barayi"
sau da yawa bayan sun dawo daga sata idan
suka zauna sai su rika tuno abinda ya faru" su
duka ukun sun sha cewa! "mata basu da matsala da zaran ka nunawa mace bindiga zatayi sauri jikinta na rawa ta baka kudi da sarka" to amma kuma abinda yasha bamban a wurin maza" a da can kafin su fahimci haka" sun sha tsare hanya wasu mazan ko kashe su za'ayi bazasu taba fadin inda kudin suke ba" saboda tsabar taurin kai
Amma mace ko ido ka zare mata yanzun nan
Zaka sami sarka mai tsada kasa a cikin aljihu
kayi gaba abin ka ba wani wahala"
A wannan karon Hajiya tabawa itace sabuwar
wacce zata amshi bakuncin su" idan dare yayi"
an sanar dasu cewar matar tana da kudi sosai"
kuma bata yin ajiya a banki" don haka in gaskiya zasu gani anjima Domin kuwa duk da wannan jajayen idanu da take yiwa yaranta barazana dasu tana banbami" sun
san cewar da zarar sun nuna mata bindiga zata
lafa ta basu abinda suke so"
Domin kuwa su ba 'yan daudu bane da ta
rainasu da wuka suke wasa da bindigogi bada
ludayin miya ko askar fere doya da kabewa ba"
Jagoran samarin uku mai suna LADO NIGA ya
ciro kudin abincin ya bata" jiniya ta amsa tana
fari da busassun idanunta tace
"muna fatan wata tana zaku sake dawowa"
Lado yayi murmushi a zuciyarshi yace
"kada ki damu zaki sake ganinmu bada jimawa
ba Daga nan ya mike ragowar abokan tafiyashi su biyu suka tashi" akwai alamar dariya a fuskarsu da suka ji irin hirar da lado keyi da wannan bushashshiyar mata"
Daya a cikin su sunanshi BALA" daya kuma
sunanshi BANGIS" dukkansu karti ne majiya
karfi" wadanda iskar duniyar bushasha ta kado su wuri guda suka hadu suka zama abokan juna kuma masu yin sana'a daya
Bayan sun bar inda rumfar Hajiya tabawa ke
sayar da abinci da suka dan matsa nesa kadan"
sai suka zauna akan wani karfen injin birtsatsai
na ruwa" lado ya dubi bangis dake fuskantar shi ajere akan nasu karfen yace dasu
"Ina ganin bamu da wani haufi tana a gari babu
inda zata je yau" kawai mu dirar mata anjima"
Bangis yace dashi "musamman kuma naga kamar tayi bakuwa" ina jin koda yana da niyar fita zaiyi wahala ace bata dawo ba" komai dare"
Bala yace da bangis"
"Don tayi bakuwa wannan ba wata hujja bace da zaisa mu daga kafa" yau ko tana a gida ko kuma zata fita wani waje" baka ganin bakuwar ba" wata mai maiko bace" ina tsammanin irin
tsofaffin 'yan hannu ne data fara karewa shine ta sake gari" ta zo wajenta" wannan ba wata
bakuwar harkar arziki bace" kawai indai zamu
dira mu dira" kamar yadda mukayi niya"
Lado niga" yayi fito zuwa can yace
"mu dira kawai" komai ma muka samu yafi babu"
A haka dai mun rage na tabawa kafin wata
hanyar ta sake buduwa"
"sukayi dariya" a lokacin ne suka sake mayar da
hankalinsu acan inda rumfar matar take hayaki
ya turnuke a wani murhu Idon gwal ta duka tana faman fifita" a daidai lokacin ne kuma Hajiya tabawa suka fito ita da bakuwarta" tace da yaranta
"baku san idan kunga bakuwa tazo ku gaisheta
ba?"
wannan aminiya tace" mun dade bamu hadu ba"
sunanta Asabe ku dauki akwatinta ku rakata
gida tayi wanka ta huta kafin in dawo" tazo ne ta dan yi mani kwana uku kafin ta koma"
Karuwan biyu da gabjejen katon dan daudun suka zube cikin girmamawa suka gaishe da bakuwar"
sannan jiniya ta amshi akwatinta suka tafi gida"
Lado Niga da abokan tafiyarshi suka kawar da
kansu bayan matan biyun sun bace!"
.
=========************==========
.
'Dakin da aka sauke Asabe a gidan Hajiya
tabawa" yana cikin dakuna uku dake a jere da
juna" kuma dama ta tanade su ne musamman
don irin wannan ranar idan tayi baki" sauran
dakuna biyu inda yaranta uku ke kwana ne"
wadanda take cewa 'yan mata baki dayan su"
tare da shakiyin katon da ya mayar da kanshi
mace" saboda tsananin bala'in da ya fadowa
rayuwarshi a duniya
Wani abinda Hajiya tabawa ta kasa fahimta a
game da wannan ziyara da Asabe ta kawo mata shine" ganin yadda take faman nuku-nuku da katon akwatin da tazo dashi" sai kace ta ajiye wata tsiyar azo a gani a ciki"
to amma kuma bata tambayeta abinda ke ciki ba" tasan dai bai wuce tiramen zannuwa da tsofaffin takalma ba"
Hajiya tabawa ta dade da sanin Asabe tun a wani zaman sayar da abinci da tayi a cikin birni"
To amma kuma bambancin rayuwarta da kuma
Rayuwar Asabe shine ita tabawa ta dade da yin
murabus da sha'anin

RALIYA-20
.
Balarabe ya kama bishiyar ya hau" sannu a
hankali har ya kai reshen da akwatin yake"
Asabe tana kasa tana kallonshi" da zuwanshi
yakai hannu a tsorace ya jawo akwatin jingim da nauyi zuwa can sai yayi ta maza ya dora shi akan kirjinshi" yaga duk ya fara tsatsa saboda yawan laimar da ruwan da ya dade yana dukanshi" ga alama akwatin ya dade a saman bishiyar mutane basu sani ba
Balarabe ya sauko da akwatin kasa" Asabe tayi
saurin amsarshi taji shi da nauyi kamar an zuba duwatsu a ciki" nan da nan ta fara kici kicin budewa"
Balarabe dake tsaye a kanta yace da ita"
Bai kamata ki bude ba Asabe" mutumin da yayi
tsintuwa irin wannan kamata yayi yaje ya kaiwa
hukuma tukunna sai suyi bincike da kansu" Amma bai kamata mu rigasu budewa muga abinda yake ciki ba
Asabe taci gaba da saita tayoyin kwadon
akwatin" zuwa can ta danna mabudan dake a
kowane gefe nan da nan akwatin ta bude cikin
sauri tare da fitar da wani sauti kamar an balla
sillan kara" budewar akwatin keda wuya sai
Asabe ta kwantar dashi akan cinyarta dake wajen sannan ta bude murfin cikin sauri"
Balarabe dake tsaye yana kallonta yaja baya a
tsorace a sakamakon abinda ya gani a cikin
akwatin" ita kanta Asabe dake durkushe a gaban akwatin saida ta suma" ta bushe na dan wani lokaci" idanuwanta ko kiftawa basa yi zuwa can kuma saita dawo hayyacinta"
Bayan tahi ajiyar zuciya" balarabe yayi karfin hali ya matso kusa da matar shi Asabe" yana kallon Makudan kudin" dake cikin akwatin yace da ita a tsorace"
"yi sauri ki rufe Asabe kada wani yazo ya samemu da wadannan kudi mu jawowa kanmu
bala'i watakila ajiya wasu mutane sukazo sukayi a saman bishiyar" don Allah ki rufe in dauka in mayar dashi inda na daukoshi
Asabe ta harari mijinta balarabe cikin kankanin
lokaci idanunta sun canza kama" sun koma launin toka toka" yawanci idan ranta ya baci ko kuma idan zatayi wani wata doguwar masifa wacce zata kwana bata gaji ba" to daga idanuwanta balarabe yake ganewa" idan yaga sun canza launi" Asabe tace dashi a fusace
"Baza'a mayar din ba" sakaran banza ragon
maza kawai" in banda kai mahaukaci ne wa kake tsammanin zai tsinci akwati irin wannan cike da Dalolin Amurka yace zai mayar dasu inda ya dauko su?" wannan tsintuwa tawa ce" idan baka so" ni ina so
Balarabe ya sake matsowa kusa da ita a tsorace jikinshi yana tsima"
"kada kiyi haka Asabe" wannan ba karamin hadari bane muka tsinci kanmu a ciki" ki rufe akwatin nan" mu gudu mu bar wajen nan na fada maki wannan ajiya ce wasu sukayi" babu mamaki barayi ne kizo mu gudu kada suzo su same mu anan su karkashe mu
"Asabe tace da balarabe a fusace
"kayi tafiyarka kai kadai balarabe" daga yau
rabuwarmu tazo na fada maka" wannan akwati ta zama nawa" duk duniya babu mai rabani dashi ka "Sake ni kawai kayi tafiyarka ka koma gida na fasa zuwa unguwar da zaka kaini" dama wasu kudin zan je nema acan gashi kuma yanzu na same su anan
Balarabe yayi sauri ya waiga kowanne bangare
don ya tabbatar babu wanda yake ganinsu" babu kowa a dajin mutane basu fara zuwa gonakinsu ba
Asabe ta rufe akwatin cikin sauri" ta mike ta
kinkimeshi da kyar ta rungumeshi a kirjinta"
Duk da nauyinshi sai faman zufa take yi saboda tsananin rudewa da tayi da ganin wadannan milyoyin kudin tace da balarabe mijinta dake tsaye yana kallonta cikin fargaba
"kai nake jira balarabe" na fada ma cewar
rabuwarmu tazo bazan iya zama da kai ba a
halin yanzu babu maganar aure a tsakanina
dakai "saboda me Asabe?
Balarabe ya tambayeta a tsorace"
"saboda me?
"Asabe tayi murmushin ta na izgilanci tace
dashi "saboda yanzu ni miloniya ce" balarabe nafi karfinka" zama tsakanin miloniya da beran
masallaci bazai yiwu ba
Balarabe zai sake yi mata magana kenan" sai ta
murtuke fuskarta a fusace ta daka mashi tsawa "Ba na son wa'azinka balarabe kada ka bata mini lokaci" kayi sauri ka sallameni in tafi" kada ka jawo inci mutuncinka a dajin nan....."
Balarabe yaji duk da masifar Asabe yana sonta
baya son rabuwarsu" to amma kuma yaya zaiyi
da ranshi tunda dai ta matsa mashi dole saiya
saketa" bai san lokacin da ya fashe da kuka ba"
yace da ita
Shikenan Asabe" na sakeki saki daya" amma ina sonki" banso kiyimun haka ba" banso rabuwarmu dake ba"
Asabe tayi dariyar shekiyanci tace dashi"
"Sai wata rana mijina kada ka damu" nasan
bazaka taba mancewa dani ba a rayuwarka" bana bukatar kayan dakina" ka daukesu na bar maka kaci gaba da zama kai da momi kace mata Nina tafi sai watarana"
Asabe tayi saurin garzayawa cikin gudu-gudu
tana rike da akwatin tabar tsohon mijinta balarabe tsaye yana kallonta.." har tayi nisa sai ya daga murya yace da ita
Yanzu ina kika nufa Asabe" ina zaki je a cikin
dajin nan? Asabe bata waigo ba tace dashi tana sauri
Wurin zuwa ba mai wahala bane balarabe"
musamman idan kana da Milyoyin Kudi a tare
dakai kada ka dami nina san inda zanje sai
watarana...
Asabe tayi nisa balarabe yana tsaye yana
kallonta har ta bace ya daina ganinta
.
=======>******************<========
.
HAJIYA TABAWA ta fito daga cikin
fashashshiyar rumfarta inda take sayar da
abinci" wacce rufin kwanonta ya huhhuje kamar rariya" sai kadangaru da tsaka ke kai da komowa a jikin rumfar da kuma jirwayen ruwan sama na shekara da shekaru
Da fitowarta ta kalli kwastomominta dake a
Zazzaune akan benci wadanda yawancinsu
leburori ne" da kuma 'yan tasha sai kuma dan
abinda baza'a rasa ba na matafiya masu safara
suna kai kaya kasuwannin karkara Ganin wasu suna a zaune ba'a kawo musu abinci
ba" saita dakawa yaranta uku tsawa" karuwai
biyu da kuma dan daudu daya"
Nan da nan suka mayar da hankalinsu akan
uwargidansu ta tsaya a bakin rumfar shirim da
ita kamar bukka" 'yar gajeriya ce baka" mai
mulmulallen kai wacce ta matse shi da dankwali sai kace wani karamin tulu" sau da yawa bata tashi masifarta" sai taga kwastomomi sun hadu awajen" saboda tayi musu burga A san cewar ita ce babba" haka kawai sai ta fada karuwan da fada wasu lokutan hade da zagi" da yake tuntuni zuciyarsu ta mutu" kuma da yake tuni sun kaucewa tafarkin gaskiya na manzon tsira da aminci su tabbata agareshi" wannan
baya damun su" to amma kuma a boye idan sun kebe sukan dade suna gulmar mafadaciyar matar wacce take rike da su yau da gobe" tana neman arziki a tunaninta"
Shi dan daudun ba kasafai yake jin tsoronta ba"
da yake shine dan lelen ta" sau da yawa tafi
bashi amana fiye da karuwan yaran nata" domin kuwa ko ba komai takan sanar dashi wasu kadarorinta data saya" ta boye a gidanta
wadanda zasu taimaketa ako da yaushe" duk
lokacin da bukatar kudi ta taso mata"
Abubuwan da take bashi labarin ta saya ta boye sun hada da sarkokin daham masu tsada"
wadanda a yanzu haka a cewarta kudinsu sun kai kimanin Rabin miliyan kuma in banda
wadannan sarkoki da 'yan kunnaye da zobina
bata tanadi komai ba" a wannan sana'a ta dafa
abinci a bakin tashar mota" tun tsawon shekara
goma sha hudu da suka shude"
Ganin sun kura mata ido" suna jiran umarninta"
sai ta bude wagegiyar muryarta mai kama da
lasifikar garmaho tace dasu a fusace
me kuke yi kuka bar mutane a zaune baku basu
abinci ba? Daya daga cikin karuwan wacce suke ce mata Jiniya ta taso tana rangwada da siririn wuyan ta kamar na tsohuwar belbela" tasha damara da gyalenta kafarta babu takalmi" ta nufi inda daya daga cikin tukwane biyar din da ke kan wuta suna tiriri" ta bude daya da sauri ta jefar da murfin agefen murhun saboda zafi taja da baya" sannan ta ce wa uwargidan tasu Doya suke jira" kuma har yanzu bata karasa nuna ba Hajiya tabawa tace dasu
"Ai laifinku ne tuntuni naso ku fara dora doyar
nan to da yake ku bakwa jin magana sai
da kuka ga dama sannan kuka dora" gashi lokaci yayi har mutane sun fara tambaya ina amfanin wannan rashin mutuncin ace mutum yazo cin abinci sai yayi zaman jira
Ta dubi kwastomomin dake a zazzaune da jajayen idanunta" sannan ta washe wagegen bakinta wanda ke kama da barnar wuka" kuma wanda ke tona asirin shekarunta data dauka a baya tana kurbar barasa" kafin shari'a tazo ta daidaita sahun duk wani takadari dake zaune a birni da kewaye
Bayan ta gama tsorata kwastomominta da
abinta a tsammaninta za'a kirashi da murmushi
sai tace dasu "kuyi hankuri kada yanzun nan zata nuna" basu dora da wuri ba ne yau"
Kwastomomin da suke cin abinci suka dubi
wadanda ke a zaune suna jiran doyar" wasu
samari ne majiya karfi su uku wadanda da
ganinsu ko ba'ayi tambaya ba" idan mutum yayi
la'akari da tabon dake a fuskokinsu to zai iya
gane cewar in dai ba hadarin mota aka tabayi da su ba to babu shakka sunyi zaman daba" ko kuma yawon farauta" to amma kuma da'ace anan abin ya tsaya da anyi san barka" Lamarin rayuwarsu duk ya zarce nan a halin yanzu.
Hajiya tabawa ta dubi daya karuwar dake a zaune wacce ake cewa "Idon Gwal wata kakkaura ce wacce bata mori man canza fata na shafe-shafen zamani ba"
maimakon ta koma fara mai dan kyan gani" sai
tayi kala biyu" kamar zabuwa" wani sashi na
faffadar fuskarta dake kama da faranti" tayi fari
fegen idanunta kuma yayi duhu" da kuma wani
sashi na kunnuwanta
Duk da haka bata damu ba" domin kuwa mijinta
na bariki bai damu da ganinta a haka ba kullum
idan yayi kamasho a tasha ita yake fara zuwa ya zubewa kudin da ya samu" wani lokacin ta dauki wani abu ta bashi" wanda zai sayi taba da abinci" wani lokaci kuma idan taga dama saita hanashi ko sisi" kuma ta zazzagi iyayenshi har sai an bata hakuri saboda bai kawo mata kudi masu yawa ba" da zasu isheta cefane
Hajiya tabawa ta harareta" sannan tace da ita
"ke kuma kin zauna nan kina kallon mutane da
wadannan shegun tulu-tulun idanunta naki da ke kama dana mujiya" bazaki tashi ki taimake ta ku iza wutar a samu abincin ya nuna ba?"
Idon Gwal din ko kuma idon mujiya cewar
Hajiya tabawa mai abinci" ta taso cikin fushi.....

Sabuwar wakar Rarara
Danna Nan kayi down load

Yanda Zaka Hana Wayarka Shan Chaji

RALIYA-19
.
Da Dadi Ba Dadi dayawan mutanen suna rade-radin cewar wasu lokuta har dukan balarabe matar keyi ko kuma ta kulle gidan idan ya fita koda ya dawo ba zata bude mishi ya shigo ba" sai dai ya kwana a masallaci dake a kusa da gidan shi to idan ma duk wannan sharrine na masu karawa miya gishiri" abinda kowa ya sani ne Asabe bata ragawa malam balarabe kuma duk abinda tace tana so a duniya saiya nemo mata koda kuwa ace sata zaiyi
Da farko farko kafin ya aureta da kamshin arziki" to amma kuma tun sanda tazo gidanshi bana shekaru kusan biyu kenan duk al'amuranshi sun tabarbare sun lalace bashi da komai a duniya yanzu in banda wannan tsohuwar mota da kuma gidanshi
Ba karamin sa'a balarabe yaci Asabe ta barshi
ya kara aure ba a shekarar da ta gabata" koda
yake auren ba wani mai wahala bane" aure ne na rufawa juna asiri" wata yarinya ce data rabu da sana'ar bariki ko kuma da akayi korar matan
banza ta rasa inda zata sa kanta sai kakarta ta
daukota tazo da ita wajen malam balarabe domin yayi mata nasiha ta sami miji tayi aure"
Bayan yayi mata fada ne ya jawo hankalinta data tuba" sai ta sanarwa kakarta cewa malam
Balarabe take so" Da yake makwabtan juna ne da gidan balarabe dana kakar yarinyar mai suna MOMI ba'a wuce sati biyu ba aka daura auren momi ta tare gidan malam balarabe"
tun daga ranar da akayi auren saida Asabe tayi
kwana talatin da shida tana zazzaaga masifa a
cikin gidan" sannan kuma tun lokacin da akayi
auren har zuwa yanzu sai Asabe taga dama
takeyin abinci a gidan"
Idan ta bushi iska duk ranar da abincinta ya
Zagayo sai ta rike kayan abincin ba zata yiba
kuma bazata bar momi kishiyarta ta amsa tayi
girkin ba Sai dai idan malam balarabe ya dawo ya iske ba'ayi komai ba a gidan sai ya nemowa
amaryarshi abinda zataci a boye domin kuwa
idan ya kuskura Asabe ta gani to a ranar bazai
kwana a cikin gidan ba" sai dai ya kwana a masallaci
Sauda yawa Asabe tasha hayewa kishiyarta
momi ta nemeta da masifa na gaira ba dalili duk lokacin da irin wannan ta taso momi bata kula ta watarana haka kawai sunci abinci sun koshi" sai Asabe taje har dakin kishiyarta taci mata kwala tace da ita ta fahimci tana yi mata wani gani-gani don taga itace amarya a lokacin ne momi ta nunawa Asabe ko ita wacece" bayan ta lakadawa Asabe shegen duka a cikin dakin sai tace da ita "koda kike ganin ina yi maki shiru shiru" ni ba tsoronki nake yi ba" ina kyaleki ne Asabe saboda yanzu ba zaman banxa nakeyi ba" zaman aure nake yi"
Amma da ace a lokacin da nake zaune a gidan
MAI LOMA" kafin in tuba ke kanki baki isa kizo ki tare da irin wannan rashin mutunci ba""
na zauna da masifaffun mata wadanda suka
damaki suka shanyeki a wurin fitina" irinsu
marigayiya SIMA kawata" irin su surayya" da
kinsan zamanin da mukayi a baya da kin gane
cewa ni din nan hatsabibiya ce" to amma yanzu
bada bane ina so ki hada kai dani mu zauna
lafiya" Allah ya bamu miji mai kwazo da hakuri
me zai sa ki rika tayar mana da Hankali Asabe?
Tun daga wannan ranar Asabe ta fara tsorata da momi" domin kuwa ta gano cewar hakika itama momin ba kanwar lasa bace" haka suke ta zama cikin hakuri duk kurar da Asabe ta kwaso sai ta watsa ta akan mijinsu malam balarabe momi tana kallo bata ce komai domin kuwa ita a ganinta laifin balarabe ne daya bari har matarshi tafi karfin shi.
Balarabe yana da wata bakar mage wacce yake matukar so a duniya domin kuwa ita kanta magen tana da nata tarihin
rayuwar" farkon haduwar balarabe da wannan
magen tsoron ta yake ji" to amma daya ga cewar duk inda yaje tana nan biye dashi" sai ya dauke ta a matsayin amana tunda zuwan momi gidan take gatanta malam balarabe
Amma kuma ita Asabe haka kawai sai ta hau
magen da duka don balarabe yaji haushi idan
abin ya dami momi sai ta cewa Asabe
"Bai kamata kina zaluntar dabba ba Asabe
wannan magen da kike gani a wani lokaci da ya
wuce" tafi ki gatanci" wata kawata data rasu take da magen" bayan mutuwarta sai ta barwa wani gaye mai suna Sule Oska shi kuma da ya mutu gashi yanzun ta dawo hannun malam balarabe itama yanzu magen ta shiryu ne" ta baro gidan mai loma ta dawo gidan malamai bai kamata kina takura mana ba ni da ita" domin kuwa duk tarihin mu daya da ita"
Wannan shine dan takaitaccen tarihin rayuwar
auren malam balarabe tare da wannan mata data zame mashi karfen kafa wato Asabe ko a
lokacin da yake kan tuka motar a hanyar kauyen da zai kaita" sai da ya tuno irin wadannan halaye data sha yi mashi na alatsine tun shekara da shekaru Wani lokacin sai balarabe yayi kamar zai saki matarshi Asabe" to amma da zarar ya shigo
gidanshi sun hada ido" sai yaji yana masifar
sonta bazai iya rabuwa da ita ba"
Sannan kuma wasu lokutan koda ace ya dauki
alkawarin idan ta sake sashi wani abu bazai yi
ba" da zarar tazo ta tsaya gabanshi ta kalleshi ko me ta sashi sai ya tashi yaji jikinshi yana rawa ta riga ta zame mishi bala'i bazai iya rabuwa da ita ba"
Balarabe da Asabe suna cikin tafiya a motar"
suna wuce bukkokin masara a gonaki" da kuma giccikan dawa da aka girbe" sunzo daidai wajen wani shuri kenan" daidai wani dan karamin fako da ya zama saura ba.a noma shi ba" sai dai shanu da awaki ke shiga suna kiwo"
Sai motar balarabe ta sake birkicewa" tana zillo
Zuwa can saita mace" balarabe yayi ajiyar zuciya sannan yayi sauri yayi fakin a gefen hanyar cikin ciyawa"
Asabe tayi tsaki iyakar karfinta" suka hada ido da mijinta balarabe" yayi saurin kawar da kanshi gefe guda" domin kuwa yasan cewar ta gama kulewa" ci gaba da kallonta ba alheri bane agareshi" ga shi kuma nan daji ne ko fada suka yi babu mai sasantasu" sai dai ta bugi na bugu ta kyaleshi" ba yadda zaiyi da ita" Asabe ta dakawa balarabe tsawa a fusace
To ka tsaya zaman jiran motar ta gyara kanta ne bazaka fita ka duba aga abinda ya sameta ba? Balarabe yayi sauri ya bude kofar motar ya fita kafin ya bude murfin injin ne yaji Asabe taci gaba da balbala mishi azabar da ta saba"
Ina amfanin mace ta auri matsiyacin miji a
duniya" kawai da kuruciyar mutum duk ya lalace a banza ace kana da miji motar arziki ma bashi da ita" ni in banda ma kaddare me zan dauka awajen gayyar tsiya"
Ba wani muhalli na fita kunya" ba motar arziki
ba gara ma zama na a gidan Alhaji mai nasara
ba" ina cikin mutumci naja wa kaina na fito" dole ne in gaggauta komawa wurin tsohon mijina mai Nasara
Balarabe yana jin matarshi Asabe tana ta aikin
bala'i a cikin motar yasan cewar jira takeyi ya
tanka mata ta fito taci mishi mutunci" yaci gaba
da gyara wayoyin injin motar baice da ita uffan
ba Domin kuwa shi dama yawanci yafi mayar mata da martani idan yaga akwai mutane a kusa dasu to amma idan su biyu ne baya kulata ya riga ya saba
Akwai lokutan da in aikinta ya zagayo da zarar ya dawo daga sallar isha'i ya kwanta domin ya
huta" zata haushi da masifa" idan ta gama
wannan sai ta fada wannan" a haka har barci
yake kwasheshi tana masifa ita kadai bata sani
ba Idan irin haka ta faru" sai Asabe tasa hannu ta makawa balarabe duka ya tashi barci afirgice domin kuwa bata son tana zazzagawa mutum bala'i yayi shiru ya mayar da ita mahaukaciya tafi son ko sau daya ne mutum ya dan ce da ita wani abu" to amma kuma a wannan karon ma
haka akayi" Balarabe yaci gaba da gyaran motar kamar baya jinta!
Da Asabe tayi iya tsiyarta" har makogwaronta ya fara zafi" saita hakura taci gaba da zama a
cikin motar" zuwa can da taji zaman ya isheta"
saita bude motar ta fito waje" bata cewa
Balarabe komai ba" saita nufi gindin wata
karamar bishiya mai yawan reshuka" wacce ke
gefen labin da shanu ke wucewa" ta zauna a
gindin bishiyar" tana wasi-wasi a zuciyarta"
wajen wata bokarta zataje" batason tana bata
lokaci idan sunyi alkawari shiyasa ta matsawa
mijinta balarabe ya kawota a mota" gashi kuma
motar ta lalace" tuntuni bokar keyi mata aiki
akan wani hamshakin mai kudi da Asabe take
satar jiki taje wurinshi idan balarabe yaje wurin
aiki
Wasu makudan kudi take so ta fizga a wurin
attajirin" to amma kuma ta fahimci saita hada da 'yan dabarun da ta saba" na wani turare da take amsa a wurin bokarta"
Kudi!!" Hakika Asabe tana neman kudi a duniya
ido rufe" to amma kuma sunki taruwa"
Asabe tayi ajiyar zuciya" sannan ta jingina a jikin bishiyar ta daga kanta sama" tana kallon
reshikan dake kadawa suna kara sannu a hankali idan iska ta busa"
A lokacin ne Asabe ta hango wani abu mai duhu-duhu a boye a can kololuwar bishiyar ganyaye sun rufeshi"
Asabe ta kura idanunta a tsammaninta kukun
Zuma ne da ake sawa a kira zuma ta taru" to
amma kuma sai Asabe taga abin yana kyalli
kamar akwati" tabbas akwati ne!
Ta tabbatarwa zuciyarta" me ya kawo akwati
saman bishiya" anya kuwa ba barayi bane suka yi sata suka zo suka boye a saman bishiyar?"
Asabe ta kwadaya mijinta balarabe kira cikin
kosawa" nan da nan ya saki gyaran motar ya
hanzarta zuwa wurinta tayi saurin nuna mishi
abinda ta gani a saman bishiyar Wani abu na gani kamar akwati a saman bishiyar nan gashi can duba ka gani Balarabe ya daga kai yabi yatsan Asabe matarshi kuwa inda take nuna mashi" ya hango abin baki wuluk a cikin reshuka" akwai wani dan karfe mai
kyalli a jikinshi yace "tabbas wancan akwati ne" to amma meya kawo akwati nan?
Asabe tace da balarabe Hau ka ciro min shi mu gani" watakila rabona ne ya gifta
Balarabe ya kama bishiyar ya hau" sannu a
hankali har yakai reshen da akwatin yake"
Asabe tana kasa.

RALIYA-18
.
Rambo yahau saman bishiyar ya boye kudin a
makale a jikinshi" ya dora akwatin akan wani
reshe ya kwantar dashi" sannan ya fara shawarar fita neman abinci" domin kuwa a halin yanzu ya fahimci idan har bai nemi abinci ba" to in ba sa'a ba nan da wani lokaci bazai iya tafiya ba Rambo ya sauko daga bishiyar yabar akwatin kudin shi a sama" sannan ya fara waige-waige domin ya samu wani abu a cikin kayan itatuwa da zai tsinka yaci" to amma kuma duk bishiyoyin dake wajen babu wanda ke da wani abinci da za'a tsinka" yawanci daga tsofaffin kukoki" sai gamji da kuma gawo" sai kuma dorawa da kadanya birjik ko ina
Rambo ya yanke shawarar shiga cikin dajin domin samun abinci" ya fara tafiya kenan saiya tsaya ya waigo ya daga kanshi sama" ya tabbatar akwatin kudinshi suna nan ba abinda ya samesu Rambo yaci gaba da tafiya yana yi yana
waigawa" domin kuwa ba'a son ranshi zai rabu
da wannan akwati mai miliyoyin kudi ba" to
amma kuma ai yunwa ta kare komai da zarar ya
nemi abinci yaci" zai dawo cikin hanzari yahau
sama ya kwanta tare da akwatinshi kafin gari ya waye
Rambo yana cikin tafiya sai yaci karo da wata
doguwar giginya" wacce 'ya'yanta suka nuna
jawur dasu a sama" har guda biyu sun fado kasa Rambo yayi hanzarin daukar giginya daya yaji ta nuna" nan da nan ya share wuri ya zauna agindin itaciyar giginyar" ya fasa kwallo daya dake hannunshi" ya fara sha bai dade ba azaune yaji tunaninshi ya koma can wata duniya" yakamata ace a yanzu haka yana kasar turai" tare da fararen 'yan matan turawa kyawawa Amma yanzu cikin rashin sa'a gashi a daji cikin dare" yana neman abinci zaici to amma kuma da zarar Rambo ya tuno irin miliyoyin kudin da suka jefashi cikin wannan wahalar sai yaji sun cancanta su sashi kwana a daji
Rambo ya kammala shanye giginyar ya
kishingida domin ya dan huta" kafin ya koma inda ya boye akwatin akan bishiya" yana nan har barci ya dan fara surashi" ba'a dade ba" ba zato ba tsammani sai yaji wasu abubuwa dake kama da wukake su kimanin ashirin sun hadu wuri guda sun kwashe naman cinyarshi a lokaci daya kamar yadda yaro ke yago tsokar biredi" idan yana jin yunwa
Rambo ya tashi a gigice yakai hannu a fusace"
yaji ya mari fuskar wani abu cukus! Mai laima
laima" dago kanshi keda wuya yana kara sai ya
hada idanu da katuwar kurar dake tsaye a kanshi tana tauna naman dake bakinta" farin wata ya haske ko ina a jikinta" tana tauna naman suna kallon-kallo ita da Rambo
Gama taunar keda wuya sai ta sake matsowa da sauri wajen Rambo tana gurnani"
Rambo ya fasa kururuwa iyakar karfinshi sannan ya sake matsawa baya a tsorace ya duba cinyarshi yaga farin kashi a fili yana kyalli a cikin hasken farin watan babu tsoka
Rambo ya dafe kafarshi yaja jikinshi ya matsa
jikin itaciyar giginyar" domin yabar inda kurar
Take A lokacin ne ta rugo a guje ta haureshi da kafarta na hagu" sannan ta tattakeshi da ragowar kafafuwanta" ta sake tirmisa katon bakinta a kwankwasonshi" ta sake samun nasarar debo katuwar tsokar nama"
Rambo ya fashe da kuka yana kururuwa" kurar ta sake tsayawa tana taunar naman dake bakinta"
tana kallon Rambo dake burari da jajayen
idanuwansa" bayan ta kammala sai ta sake
matsawa inda yake a kwance baya iya tashi" tayi tsalle ta sake dirmisa bakinta a jikinshi" ta jawo fatar kirjinshi yana kallo" fatar ta biyota nan da nan kurar ya tattake fatar ta tsinkata" taci gaba da taunawa" ko ina a jikin Rambo yayi face-face da jini"
Abu na karshe da yaji kafin ranshi ya fita" shine
bakin kurar dake kokarin karya dokin wuyanshi"
har zuwa lokacin da Rambo ya mutu hankalinshi yana kan akwatin kudinshi da ya boye a saman bishiya
Da ace yasan kurar zata sake biyoshi da bai
sauko daga saman bishiyar ya bar akwatin
kudinshi ba.
Kafin safiya tayi" kurar ta gayyato jariran
'ya'yanta suka karashe dan abinda taci ta rage
na ragowar jikin Rambo
.
=====>**********************<=====
.
Lokacin daurin auren Rufa'i da masoyiyarsa
Raliya yazo
A ranar daurin auren matasan karkara sunyi
wasanni iri iri da kuma raye-raye" da bikin ya
tashi ne abokan Rufa'i suka rakashi dakin
amaryarshi Raliya"
Duk wanda ya kalli wadannan ma'aurata biyu
yasan cewar suna cikin farin ciki" domin kuwa
Allah ya cika masu burinsu
Haka Rufa'i da matarshi Raliya" suka ci gaba da
rayuwarsu a kauyen Danmarke" wani lokaci idan suna cikin nishado haka kawai sai su tuno rigimar da akayi a kauyensu na misayar akwati a mota duk da yake cewar abin tsoro ne" yakan ba Raliya dariya"
Tasancewar wannan al'amari ya zama tarihi
bazai sake faruwa ba"
Abinda Rufa'i da matarshi Raliya basu sani ba
shine akwatin da ake ta rigima a kanshi har
Yanzu yana nan a raye a saman wata bishiya tun watanni uku da suka wuce
.
A safiyar wata lahadi ne an tashi da lullumi da
kuma sanyi muku-muku" wata tsohuwar mota
mai ruwan toka kirar (HONDA ACCORD) ta keto
ta cikin kauyen tungar malam tana burari
kamar an tayar da injin nika
motar tazo daidai wurin da wasu mutane ke zaune sun zagaye wutar dake ci suna shan dumi" tare da wata budurwa dake sayar da koko da siga" kwatsam! Sai motar ta fada cikin wani karamin rami" inda wata kwata kebi tana wucewa motar ta yunkura kamar zata haye ramin" sai kuma ta sare nan take tayi dif" ta mutu ko kawo wuta batayi
Wani dogon mutum ke cikin motar tare da wata 'yar figilgilar matarshi tana sanye da atamfa dinkin zamani ta tsira dankwalinta a kusa da goshinta tana zazzare idanuwa" da ganinta ansan cewar da wahala tayi hankuri da kuma ladabi Mutumin yaci gaba da shurar motar kamar keken dinki" amma kuma ko sau daya bata kawo wuta ba" yana cikin kokarin ganin motar ta tashi ne" sai mutanen kauyen suka ji matar dake cikin motar ta fara balbalawa mijin nata masifa
"Wai menene haka BALARABE ?
Baka iya fita ka bude murfin injin motar domin kaga abinda ke damunta" idan ka sake har lokaci ya kure ban sami wacce zanje nema ba wallahi sai ranka ya baci"
tun jiya kasan motar bata da lafiya" amma baka kaita an gyara ba sai yanzu da muka fito zaka kama wani haure hauren munafurci"
Dogon mutumin ya share zufar dake fuskarshi da kuma dogon gemunshi yace da matar a fusace"
Amma baki da imani ASABE saboda Allah da gangan zan lalata motar tawa" ni banfiki son muje lafiya domin inyi sauri in dawo ba" ina fa da aikin da zanyi kika matsa mani saina kaiki unguwar nan" kuma yanzu zaki kama yi mani masifa" to da wanne zanji da lalacewar motar zanji ko kuwa da masifarki Asabe?
Mutanen kauyen suka mayar da hankalinsu kan mutumin da kuma matarshi wadanda suke ta misayar maganganu a cikin motar" wadanda ke shan dumi a bakin wutar" tuntuni sun bar wajen sun matso kusa da motar" sunyi mamaki da sukaji matar ta dakawa mutumin tsawa tace dashi a fusace
"Ni ce kake cewa masifaffiya balarabe ?"
Don kaga mun shigo cikin jama'a shine kake wannan cika bakin ko?" zamu bar nan din" zamu koma gida" saika fadamin wacce kake cewa masifaffiya" yan kwanakin nan nayi maka sakwa-sakwa naga ka fara raina ni" to wallahi zaka sha mamaki indai nice
Dogon mutumin yace da ita
"Idan mum bar nan don Allah kisa wuka ki yankani Asabe bana so ki barni da rai"
Wani dattijo dake a zaune a cikin mutanen kauyen yana shan koko a roba" ya taso yaje inda motar ta kafe ya duba ya cewa dogon mutumin
"Salamu-Alaikum malam ya akayi ne mukeji kuna ta sa-in-sa kaida iyalin naka meya faru ne?"
Dogon mutumin ya waigo ya kalli tsohon yace dashi" baba wannan matar bata da mutunci" wallahi in banda rashin imani tare muka fada da ita a cikin motar ta lalace" amma zata hauni da masifa" to ni zan lalata motar da kaina?" ko ta fini son motar tawa ne?
Tsohon ya dubi 'yar gajeriyar matar yaga ta zare mashi idanu" gata dai a tsayi bazata wuce rabin mijinta ba to amma kuma ko miskala zaratan bata shayin fada masa maganar da taga dama" wannan abu ya daurewa tsohon kai" yace da dogon mutumin
Bari in kira yara gasu can mu turaku mu gani" idan ka fita a cikin motar watakila a samu ta tashi"
Tsoho ya kwadawa wasu samari kira a cikin wadanda ke shan dumin nan da nan suka garzayo" suka matso wajen domin kuwa dama suna son zuwa kallon fadan da sukaji miji da matar sunayi a cikin motar" suna gudun kada suzo ba wani dalili ace sunje yin tsegumi ne"
Tsohon da kuma samarin suka hadu a bayan motar suka fara tura motar" balarabe yana tare da matarshi Asabe a cikin motar" har mutanen kauyen suka fitar da motar daga cikin kwatar"
Asabe bata sake fadan komai ba" saida balarabe ne ya fito yayi musu godiya ya basu hannu suka gaisa yana sanye da fararen kayanshi farare dinkin kaftani" dake tattare da wani tarihi da balarabe baya so ya rika tunoshi" tsohon ya cewa balarabe
malam indai sha'anin matane sai kayi hankuri ko ina haka suke kaji Allah ya kiyaye hanya sai kun dawo
Balarabe ya shiga cikin motar ya tayar da ita" saida ya amshi wuta ya tuka ya tafi tare da azababbiyar matarshe Asabe wadannan ma'aurata biyu dake a cikin motar suna tattare da dimbin tarihi mai yawa a zamanin aurensu" Allah ya hadasu suka zama miji da mata amma kuma kowa ya gansu yasan cewar ba abokan zama da juna bane
Domin kuwa a kullum Asabe bata da wani aiki sai musgunawa wannan miji nata malam balarabe wanda yake kamilin mutum mai mutunci da kwarjini a wurin mutane"
A dalilin ta ya shiga cikin masifu a duniya iri-iri ba iyaka" to amma kuma har yanzun Allah bai kawo karshen zamansu ba" suna nan a zaune da dadi da ba dadi.....
.
KUN TUNA SUWAYE WAYANNAN MATA DA MIJIN ??

Kanfanin fistob plastic yana Neman ma aikata wannan dama ce ga  kowa da kowa danna Nan  kayi apply yanzu

RALIYA-17
.
Dumfama ya saita bindigarshi ya auna wani dan kakkaura a cikin tsofaffin 'yan sandan biyu" ya dirka masa bindigar" dan sandan yayi kuwwa sannan ya wuntsila ya fada cikin ciyayi
abokinshi ya fashe da kururuwa ya tambayeshi
"Bilya meya sameka?
Dumfama dake boye a cikin ciyawa yayi
murmushin mugunta" sannan ya auna goshin
ragowar dayan daga nesa" A daidai lokacin da
yaja kunamar bindigar ne kan dan sandan ya
tarwatse kwanyarshi ta watse a cikin gonar
tumatirin dake wajen lokacin da gangar jikinshi ta fadi gefe guda" ko sau daya bai sake motsawa ba
Dumfama ya jefar da bindigar sannan ya saki
hannunshi dake dafe da raunin da Naziru yaji
mishi" ya yiwa sullubebiyar wukar kallon karshe wacce ke yashe a kasa tayi dama-dama da jini yana nan akwance a wurin yana haure-
haure azaba" kafin mutuwa tayi awon gaba dashi har zuwa lokacin bai mance da babban abokin shi ba daya ha'ince shi Rambo
.
=====>++++++()+++++<=======
.
Rufa'i baisha wahala ba" wajen kwance igiyar
dake daure a hannunshi ta hanyar kwana da yayi yana gwagwiyar ta da hakora" bayan ya kwance daurin da 'yan sandan sukayi mashi" sai yayi hanzarin kwance igiyar da suka zagayeshi da ita a jikinshi da kafafuwanshi kamar huhun goro Da kwancewarshi ya fasa tagar da wata kujerar katako daya dake cikin dakin" Rufa'i ya haura ta cikin tagar ya gudu yabar tsohon gidan da suka kawoshi suka kulleshi" har lokacin da ya nemi motar komawa kauyensu daga birnin kano yayi tsammanin 'yan yankan kaine suka kamashi Sai lokacin da ya koma gida ne ya rude da yasami labarin abinda ya faru a wurin masoyiyarshi Raliya" wacce take ta faman kukan farin ciki tun dawowarshi
A ranar ba'a yi barci ba a kauyen Danmarke"
domin kuwa an ga bala'in da ba'a taba gani ba"
An tsinci gawarwaki har hudu" daya gawar
Naziru ne babban dan ladanin garin" da kuma
gawar 'yan sanda har biyu" tare da gawar wani
bakin saurayi da ba'a san inda yake ba
'yan sanda sunyi iyakar kokarinsu wajen gwaje-
gwaje domin su gano mafarin al'amarin to
amma kuma da maganar taje kunnen
kwamishinan 'yan sanda "Danmasani" sai ya
gargadi jami'an dake da alhakin binciken ya
tattara maganar yayi watsi da ita" cikin
gaggawa" nan da nan aka kwashe 'yan sanda aka tafi dasu" tun daga nan ba'a san inda maganar ta nufa ba.
to amma kuma da ace za'a tuntubi Raliya da
masoyinta Rufa'i sun fi kowa sanin yadda
al'amarin ya faru" sunyi shiru ne domin kuwa
basa son wani abu ya sake kawo musu cikas a
wannan lokaci nasu mai muhimmanci da zasuyi aure
Bayan kwana biyu kuma hankali ya fara
kwanciya" sai kuma wani masunci dake kamun
kifi ya lalubo gawar wani saurayi a kasan kogin
dake garin harta fara rubewa" bayan jama'a sun
taru ne jingim a bakin kogin sai aka gane ko
wanene Hashimu ne dan gidan malam makeri wanda matasan kauyen Dan marke ke kiranshi Shegen Sama
A ranar kwana akayi ana kuka da Addu'o'i a
kauyen dan marke" domin kuwa ba'a taba yin
jana'iza har uku a jere a cikin kwana biyu ba sai
a wannan lokaci babu wanda yasan dalilin
faruwar wadannan munanan abubuwa" to amma kuma wasu mutanen dake kauyen acan cikin zuciyarsu farin ciki sukeyi" domin kuwa dama wadannan shakiyan samari biyu sun gallabesu. a satin ne aka tsayar da lokacin auren Raliya da masoyinta Rufa'i sha hudu ga watan sallah Babba
.
=====>*******************<========
.
Kwana shida kacal da faruwar al'amarin
kwamishinan 'yan sanda dan masani ya sami
bakar takardar kora daga babban insifrktan 'yan
sanda na kasa" jami'an tsaro da dama basuyi
mamakin korar kwamishina da kuma yi mashi
ritaya da akayi ba cikin gaggawa"
Domin kuwa ya dade yana cin amanar aikin
tsaro ta hanyar amsar cin hanci daga wurin
rikakkun 'yan fashi da makami da kuma masu
safarar miyagun kwayoyi
A rana ta biyu da sallamar kwamishina" yaje
wani gidan giya yasha yayi tatul da daddare"
domin kuwa yawanci idan yana cikin bacin rai to giyar kawai yake sha yaji ta kwatar mashi da
hankali bayan dare yayi nisa" saiya kamo hanyar dawowa gidanshi inda wata karuwarshi bose ke zaman jiranshi tsawon lokaci bata san inda ya shiga ba
Danmasani yana cikin tafiya bai ankara ba wata
katuwar motar daukar kaya ta shawo gangara
aguje" babu fitila ko daya a gabanta" motar ta
fada wani gargada tana sukuwa" cikin kosawa ta cimma tsohon najadun"
Bai ankara ba sai yaji motar ta haye kanshi tana
burari" yaji lokacin da katuwar tayar motar ta
gaba ta haye kan ruwan cikinshi" daga nan kuma bai sake jin komai ba" sai radadin da ya
mamayeshi a lokacin da kayan cikinshi sukayi
falle-falle akan titi
Alhaji Elbashir ya bude jaridar dake dauke da
labarin mutuwar tsohon kwamishinan 'yan
sandan" yayi dariya" sannan yace" yanzu na
tabbatar na huce haushin miliyoyin kudina" banyi asararsu a banza ba
Yana cikin doki ne da farin ciki" da sassafe washegari ya je ofishinsa dake birnin tarayya" sai yayi wasu muhimman baki a motoci sanye da bakaken kot" Sai bayan da mutanen suka cika ofishin ne kamar kwari" sannan ya fahimci
rundunar hana barna ne da babakere akan dukiyar kasa" shugaban tafiyar ya kalli Alhaji Elbashir yace dashi
"Munzo ne domin kayi mana bayanin yadda ka
salwantar da Dala miliyan hamsin daga sashinka" sannan kuma an tsinci gawarwakin
abokan aikinka an gina wani rami a cikin wani
rafi a kano an binne su" muna so kayi mana
bayani akan abinda ka sani
Alhaji Elbashir yaji kamar duniya ce ta ruguzo
masa domin dai yasan cewar tashi tazo karshe
.
======>******************<======
.
Kwana uku cur" Rambo yana tafiya a cikin
kusurgumin daji" idan dare yayi" sai ya haye
bishiya ya rungumo akwatin kudinshi yayi shiru
yana tunanin hanyar da zaibi ya gudu yabar
kasar dasu" yana jin tsoron fitowa cikin gari
domin kuwa yayi tsammanin tuni an baza jami'an tsaro domin su gano inda ya shiga"
Wani lokacin yakan yi ta wuce tsaunuka da lardin da fulani ke zaune jefi-jefi" ya gwammace yaci gaba da rayuwarshi a daji" komai dadewa idan kura ta lafa yasan cewar zai fito sarari zai ci gajiyar miliyoyin kudinshi"
wannan wani lamari ne dake bukatar juriya da
hankuri" Rambo ya kware a wannan fannin tun awani zama da yayi na wata takwas a gidan yari.
A dare na uku Rambo yana saman wata katuwar tsamiya" yayi lamo a cikin duhu sai kace aljani yana rungume da akwatin kudin" yana sauraron
kukan kwari da tsuntsaye" farin wata ya haske ko ina a cikin dajin ba gida gaba ba gida baya"
Rambo yana matukar jin yunwa mai tsanani"
domin kuwa rabon ya sami wani abu yasa a
cikinshi tun kwana biyu da suka wuce a lokacin
da yasami wata gwandar daji ya tsinka yasha"
tun lokacin har aka kwana biyu Rambo bai sake
samun wani abu naci a duk yawon da yake yi a
cikin dajin ba
To amma kuma da Rambo yaji yunwa ta
tsananta mishi sai ya fara tunanin saukowa ya
fita cikin dajin ya zagaya me yiwuwa ko tsada ya samu" to amma kuma da yayi tunanin barin
ringimemen akwatin kudin a saman bishiya" sai yaji baya bukatar saukowa daga kan bishiyar" yafi so duk inda zai shiga yana nan tare da akwatin miliyoyin kudin shi sune mabudin jin dadin rayuwarshi da yake so yayi nan da wani dan lokacin idan ya koma kasar turai"
Rambo yana nan kwance akan wani reshe sai yaji motsin wani abu a kusa da gindin bishiyar ya taho yana keta kayoyi da ganyen gauda dake
warwatse ako ina a cikin dajin" sannan kuma yaji wani gurnani" da nishi mai karfi ya cika ko ina awajen"
Rambo yayi saurin gyara zama a tsorace ya duka da kanshi ya kalli kasan bishiyar" domin ganin abinda ke motsi" yaji gabanshi ya fadi" hantar cikinshi ta motsa wata shirgegiyar kura ce" tana tafiya dakyar" tana zaro harshe tana lashe bakinta Rambo yayi lamo a cikin bishiyar ya daina numfashi " sai kace bashi da rai domin kuwa yasha jin ana bada labarin kuraye tun yana yaro"
Ya dade yana jin cewar in har kura ta jiyo warin
mutum ko daga ina take saita biyo warin tazo ta cimmashi"
Rambo yasan cewar warinshi ta jjiwo daga nesa shiyasa take ta zagaye zagaye a gindin tsamiyar tana gurnani tana tona ganyaye da kafafuwanta domin taci sa'ar ganin inda mutum yake ta sami abinda zata ci ta kaiwa jariran 'ya'yanta ragowa
Rambo yana kallonta ta saman bishiyar" tana ta
neme-neme" gabanshi sai faduwa yake yi" amma kuma akwatin kudinshi yana nan a kankame a kirjin shi.
Bayan wani lokaci sai kurar ta hakura ta koma"
Rambo ya hangota a cikin hasken farin watan
cikin ciyawa" da ganyaye tana tafiya" bayan tayi
nisa ta bace" ya daina hangenta" sai ya kama
reshikan tsamiyar ya sauko" domin ya gudu
yabar dajin" ya sami labarin idan har kura ta
kwallafa ranta akan abinda take so" to koda ace
tafiya tayi" ba hakura tayi ba zata sake dawowa.
Rambo ya diro daga saman bishiyar" ya yanki
wani bangare na dajin ya fara cin gudu" nauyin
akwatin kudin dake kankame a hannunshi ya
sashi yin zufa" amma kuma bai tsaya ba sai dai
lokaci-lokaci yakan sa hannunshi ya share zufar dake a fuskarshi"
Rambo yayi nisa yana cin gudu" wani lokaci
yakan fada cikin kananan ramukan da ganyaye
suka lullube" bayan wani lokaci sai ya fito ya
sake maida hankali domin tserewa mafadaciyar kurar da ta bashi tsoro
Bai san iyakar awoyin da yayi yana gudu a cikin
daji ba" ya dai tsinci kanshi ne a bakin wani
kauye da motoci ke bi suna wucewa wacce ta
ratsa ta cikin wani karamin labi da fulani kebi
suna wucewa da shanun su.
Rambo ya tsaya a jikin wata karamar bishiya mai yawan reshuka" bayan wani lokaci yana nan tsaye yana mayar da numfashi sai ya yanke shawarar sake hayewa saman bishiyar ya boye kudin shi.
Rambo ya hau saman bishiyar tare da akwatin
kudin ya makale a jikinshi" ya dora akwatin akan wani reshe ya kwantar dashi sannan ya fara shawarar fita neman abinci.......

Shiga link din dake kada kayi down load Danna Nan

Shiga nan nayi down load

http://k007.kiwi6.com/hotlink/n7iama2gml/DODA_TA_TABBATA_62c68fe195e33b47.mp3

KWANKWASIYYA TA RUSHE A KANO KOTU TA KWACEWA ABBA TAKARA TA BAWA IBRAHIM LITTLE.
Labari da dumi dumin sa, wata kotun taraiya mai zama a kan titin Court Road dake Kano ta kwace takarar Gwamna daga hannun Abba Kabir Yusuf dan kungiyar Kwankwasiyya inda ta mikawa Alhaji Ibrahim Al-amin Little bisa rashin gaskiya da aka yi wajen zaben fidda gwani na jam'iyar PDP.
Toh tusa fa ta kwacewa bodari, kuma a daidai gabar nan babu wata dama sai dai mu taya mai Girma Gwamna Dr Abdullahi Umar Ganduje OFR murnar lashe zaben sa na ranar asabar.
Alhamdulillah Kano Ta Ganduje Ce!
Salihu Tanko Yakasai
Special Adviser Media
Government House Kano
March 4, 2019.

Shiga nan
www.rarara.com.ng

SAKAMAKO NA KARSHE
#KanoCentralDecides2019
SITUATION ROOM
Yanzu karfe sha daya da rabi daidai na safe mun hada sakamakon da muke samu daga wakilanmu, mun samu sakamakon zabe daga kananan hukumomi 15 wadanda suke a Kano Central. A Cikin kananan hukumomi 15 a gaba dayan Kano Central.
Mal. Ibrahim Shekarau APC: 499, 835
Aliyu Sani MadakinGini PDP : 274,125
TAZARAR APC da PDP 225, 711
Karin Bayani: Kananan hukumomin sune Dawakin Kudu da Warawa da Kura da Garun Mallam da Madobi da Gwale da Tarauni da Kumbotso da Ungoggo da Kano Municipal da Munjibir da Dala da Gezawa da Fagge da Nassarawa.

RALIYA-16
.
Naziru ya murtuke fuska yace da
ita kudi suna sayen duk wadannan
mutane da kika lissafo Raliya" samun kudin sune masu wahala a gareni" da zarar na mallakesu" ahannuna nasan
inda zanje in sayi wasu 'yan uwan da
duk wani mutum dana ke bukata a duniya" da
Zarar na nema zan samu" ki dana batawa
kanki lokaci Raliya" domin kuwa har abada bazan taba fitowa da wannan akwatin ba
Naziru ya daga mata hannu wacce ke
faman share hawaye
"sai watarana kanwata ni zan tafi kada ki
Zargeni kadan kenan daga cikin
Laifin Kudi sune ke jawo mana rikice-rikice a
duniya muke karkashe 'yan uwanmu ba laifina
bane Naziru ya sakai ya fita daga dakin
yana dariyar mugunta" cikin minti daya ya shiga dakinshi ya daura gurunshi da wukarshi a kwankwaso sannan ya fito cikin hanzari ya nufi bayan gari domin yaje fadamarsu ya hako
miliyoyin kudin shi ya shiga uwa duniya
Naziru yayi ajiyar zuciya sannan yayi
murmushi KUDI Wadannan halittun da dan
adam ya kirkiro a duniya sun dade suna bashi
wahala" ya neme su sunki zama" to amma yanzu kam tabbas sun zo kuma bazai taba bari su sake kulle mashi ba Naziru baiyi nisa da fara tafiya ba ifiritan mutane biyu dake boye a saman bishiya kadanya dake akofar gidansu suka sauko cikin hanzari kamar kadangaru" suka bishi a baya" suna tafiya suna wasa da karfinsu a matsayinsu na tsofaffin 'yan dambe"
.
======>+++++()+++++<=======
.
Har zuwa lokacin da Naziru Yakai fadama
Zuciyarshi bata daina wasi-wasi ba domin kuwa shi kanshi abin ya bashi mamaki
saikace amafarki Naziru ya tuno abokinshi marigayi Shegen Sama yana can karkashin kogi" yana rabawa kifaye da kwaduna abin kalaci" Naziru yayi murmushin samun nasara sannan ya tuno kanwarshi Raliya" bazai taba
mancewa da Raliya ba aduk inda yake aduniya" domin ba ba don ita ba da bai sami wannan miliyoyin kudi ba Naziru ya isa gindin dorawarsu ta jiya" inda suka binne akwatin kudin shida abokinshi Shegen Sama nan da nan ya durkusa yasa gwiwoyinshi akasa ya fara kwakulo kasar sannu ahankali yana tureta gefe daya" sai kace wanda ke gino dankali" tsawon lokaci yana ta kwakulo ramin sai ya cimma jikin akwatin yana nan akafe a cikin ramin yadda suka barshi jiya Naziru ya karashe ture kasar yasa yannu biyu ya zaro akwatin daga cikin ramin duk kasa ta dambare a jikin akwatin"
Naziru ya share ko ina sannan ya kurawa akwatin idanu yana murmushi
Daga nan ina ya kamata ya nufa? ya tambayi
kanshi kamata yayi ya fara kokarin
barin wannan kauyen idan yaso ko ina yaje zai
sami damar yin duk wasu shirye shiryen barin Kasar nan cikin kwanciyar hankali Naziru ya dauki akwatin ya rungume a kirjin shi zai motsa kenan ya tafi sai yaji wani bakon hancin bindiga yana asuwaki a gefen kunnenshi a lokacin ne yaji wata murya mai kama da fasasshiyar lasifikar rikoda tace dashi
"Idan ka motsa daga inda kake ka lissafa kanka
cikin wadanda kwanansu ya kare awannan
safiyar Naziru yaji wani bakon hannu mai kama da bayan itace ya fado kan kumatunshi"
sannan muryar dake gargadinshi taci gaba
"yi sauri ka ajiye mana akwatin kudinmu bamu
makara ba tun asuba muke tare dakai shashasha"
.
======>++++()++++++<=======
.
"Mun dawo ne domin mu amshi akwatin kudinmu Raliya" dama mun sanar dake cewar
Zamu dawo bada jimawa ba" shiga ciki ki fito
mana da kudinmu ko kuma likkafanin jana'izar
masoyin ki Rufa'i
A.c.p Bilya ya dakawa Raliya tsawa dake tsaye
tana kyarma tun lokacin da suka aika a kira
musu ita" Raliya ta dubeshi a tsorace tana niyyar fashewa da kuka
"Zan fada maku wurin da zakuje ku amso kudinku" suna wurin yayana yanzun nan ya fito
daga cikin gida ya tafi fadama zaije ya tonosu yagudu Raliya ta saurara kadan sannan taci
gaba "Don Allah kada ku taba mun yayana
Naziru" ku amshi kudinku kawai" bani da wani
dan uwa aduniya sai yaya na Aminu jangwarzo ya daka mata tsawa cikin sauri "Ina ne fadamar da ya tafi" yi sauri ki nuna mana" bama son bata lokaci Raliya ta nuna musu hanyar fadamar tana sheshshekar kuka" jami'an tsaron
biyu suka garzaya a guje kamar ransu zai fita
domin su cimma Naziru
.
=====>++++++*****+++++<=======
.
"Ka ajiye akwatin kuma bama son ka motsa" ko bakajin hausa ne? Dumfama ya sake dakawa Naziru tsawa" kamar harbin bindiga" bai san lokacin da ya saki akwatin ya fadi kasa Rambo dake rike da tashi bindigar yayi saurin dukawa domin ya dauke akwatin kudin.
A daidai lokacin ne Naziru ya shammace shi ya
matso da hannunshi daidai kwankwason shi ya
Zaro sullubebiyar wukarshi" kafin Rambo ya
dauke akwatin ya sake dawowa" sai yaji Dumfama" ya fasa kururuwa iyakar karfinshi"
Bindigarshi ta fadi kasa" Rambo ya fasa daukar
akwatin zai juyo da bindigarshi kenan ya harbi
Naziru sai yaji wani abu ya toshe
masa fuska kamar mota tabi ta kanshi ta wuce
nan take shima ya fasa ihu ya zube a kasa tare da babban abokinshi
.
Abubuwa uku ne suka faru a lokaci daya Da farko Naziru ne ya juya kan wukarshi ya
sokawa dumfama a tumbinshi sai da ta kusa
nutsewa dukanta" sannan kuma yasa gindin
takalmin shi ya naushi fuskar Rambo daga nan
baya yayi hanzarin mika hannu ya sure akwatin
kudin Naziru ya tsallake ifiritan samarin
biyu dake kwance suna juye-juye" ya runtse
akwatin akirjinshi da hannu daya" sannan ya
gangara ta wata siririyar hanya dake cikin
fadamar yaci gaba da gudu ya juyo fankacecen
bayanshi"
A daidai lokacin ne Rambo ya tashiya lalubi
bindigarshi dake kasa" to amma kuma baya iya
ganin komai sai wasu fararen taurari dake gada
a cikin idanuwanshi" da kuma dan dishi dishin
koren ganyayen dake cunkushe ako ina a cikin
fadamar a cikin dan abinda ya gani ne kadan-
kadan ya hango Naziru yana gudu dauke da
akwatin kudin ya juyo bayanshi saitin inda Rambo ke zaune a kasa Rambo ya auna fankacecen bayan Naziru sannan yaja kunamar bindigar" tun kafin sautin bindigar ya bayyana daga can nesa Naziru yayi tsalle sama kamar an buga kwallon kafa" akwatin kudin ne ya fara dawowa kasa" kafin gawar Naziru ta Fado kanshi jini yana tsiyaya ta bakin shi kamar an
bude famfon ruwa Rambo ya tashi da kyar da takarkara ya nufi inda akwatin kudin suke" da zuwanshi yana huci kamar maciji" har zai wuce sai yayiwa gawar Naziru kallon karshe" domin kuwa acikin shekaru fiye da goma wannan shine karo na farko" da ya samu matsala a wannan sana'ar tasu sannan kuma rabon da wani ya sami sa'a ya nausheshi tun a zamanin da yake dambe" to amma kuma wannan karon da ya dubi miliyoyin kudin dake hannunshi a cikin akwati saiya ji abin ya bashi sha'awa bai san lokacin da yayi murmushi ba. Domin kuwa ba wanda zai sami Dala miliyan hamsin a duniya kudi hannu" yayi tsammanin
bazai sha wahala ba" Rambo ya koma inda
abokinshi Dumfama yake kwance ya dafe cikin shi inda Naziru ya caka mishi zundumemiyar
wukarshi" fuskarshi ta canza ta koma launin
shudi-shudi" da kyar yake numfashi ya daga
kanshi ya kalli Rambo wanda ke tsaye da
Miliyoyin Kudin a hannun shi.
A gaisheka namijin duniya" yace dashi yana
numfashin karfin hali" da'ace yagudu ya sha
da ba abinda zai hana in kashe kaina in huta da
bakin ciki Dumfama ya dubi raunin dake dafe a
hannunshi ya kalli jinin dake biyowa ta yatsunshi kamar ya matse ledar manja" ya lumshe idanunshi ya sake budewa sannan yace "yi sauri ka daukeni mubar nan
abokina" yayi min rauni" ina bukatar agajin gaggawa Rambo yayi murmushi sannan yace
da dumfama baka bukatar zuwa ko ina Dumfama zamanka anan zai fiye maka sauki
Dumfama ya dubi abokinshi atsorace ban gane abinda kake nufi ba Rambo" yanzu fa ba lokacin wasa ba ne" na kosa muje asibiti jinina
ya kusa karewa Rambo ya sake kankame akwatin kudin ya ce "Baka da hankali abokina" me yasa kake tsammanin zan iya rabuwa da
wadannan Miliyoyin kudin ? Ka tayani Addu'ar
neman sa'a zan tafi sai mun hadu adarussalam
wannan itace ranar da zamu rabu abokina" na
sami abinda na fito nema shekara da shekaru.
Dumfama ya kalli Rambo cikin kunan
rai. ka bani kunya Rambo" ban taba tsammanin
akwai wasu kudin da zaka samu ka gujeni ba"
banyi tsammani ba Rambo ya fashe da dariyar mugunta"
"Ba'ayin amana da kudi abokina Miliyan
Hamsin ba kudin da zaka bani amanarsu bane awannan duniyar" tun ina yaro nake
Farautar Kudi shekaru ashirin kenan sai yau
na same su Gobe zan gudu in tafi Kasar amurka kada ka damu abokina ko bayan ka mutu zan rika tunawa dakai" idan na gina kamfani sunanka zan sawa kamfanin" ai nayi maka halacci Dumfama" ko banyi maka ba abokina?"
Rambo ya sake fashewa da dariyar mugunta
sannan ya kankame akwatin kudin ya
juya da sauri kamar walkiya ya bace a cikin
fadamar Dumfama ya cije lebenshi a fusace"
sannan ya dubi jinin dake zuba daga jikinshi"
yasan cewar nan bada wani lokaci ba" jinin
jikinshi zai kare ya mutu" a wulakance a cikin daji" sai yanzu Dumfama ya tuno irin barnar da yayi arayuwarshi"
Ya taba jagorantar 'yan fashi sunje sun kashe
kawunshi sun kwashe dukiyarshi" to menene don yanzu abokinshi yaci amanarshi ya gudu da kudin da suka farauto tare?" wannan kadan
ne daga cikin halin 'yan adam.
.
Dumfama ya rarrafa yana cije lebe ya dauko
bindigarshi data fadi cikin wani alayyahu" ya rike bindigar ya kura wa hancinta idanu
tsawon lokaci a fusace yana neman abinda zai
kashe a cikin wannan fadamar" domin ya huce haushin abinda abokinshi yayi mishi Yana rike da bindigar yana waige-waige domin yaga giftawar wani tsuntsu ya harbeshi su mutu tare"
Cikin sa'a ya hangi wasu mutane sun nufo inda
yake a guje" sanye da kayan 'yan sanda"
Dumfama yayi murmushin farin ciki domin kuwa duk duniya bashi da wani abokin gaba irin 'dan sanda" ya dade yana shan duka ahannun 'yan sanda har karyashi sun taba yi a kafa lokacin da yana yaro"
Dumfama ya saita bindigarshi ya
auna wani kakkaura a cikin tsofaffin 'yan sandan biyu" ya dirka masa bindigar"
Dan sandan yayi kuwwa sannan.......

RALIYA-13
.
Abu na karshe dayaji kafin ya suma shine sautin kiran sallar magariba da mahaifin Raliya ya kwada daga can nesa a cikin lasifika"
Ga mamakinshi sai yaji duk da ya kusa mutuwa yana so ya sake ganin Raliya 'yar makaranta masoyiyar sa
.
"Ka fito mun da akwatin kudina kaji ko" sauri nake yi kwamishina" bana so kana bata min lokaci Alhaji Elbashir ya sake dakawa kwamishinan 'yan sanda tsawa" akaro na biyu"
kwamishina danmasani ya dafe kirjinshi domin kuwa bayan tabaren dake yi mashi lugude a ciki" har wani abu kuma mai tsini kamar mashi yaji yana sukar hakarkarinshi
Ya zauna akan katafaren teburinshi domin ya samu sauki" ya dubi shu'umin mutumin cikin damuwa"
Ba banza ta saka kwamishinan 'yan sanda ya tsorata da Alhaji Elbashir ba" akwai kwakkwaran dalili
Alhaji Elbashir yana daya daga cikin manyan 'yan siyasar kasar Nigeria wadanda suke nada gwamnoni da 'yan majalisu kamar sarakuna" suna sayen kowacce irin kujera a ciki kuwa har da ta kwamishinan 'yan sanda" idan bukatar hakan ta taso"
yasan cewar idan yabi Elbashir da tsiya to dole ne asirinshi ya tonu" bazai yayata maganar duniya taji ba" domin kuwa shima bazai so asirinshi ta tonu ba" to amma yana da karfin ikon da zai sauke kwamishina ayi mashi ritaya da tsiya ko yana so ko baya so"
Don haka ya zamewa kwamishinan 'yan sanda wajibi ya san hanyar da zaibi ya kawar da Alhaji Elbashir cikin hikima" ba tare da wani yasan abinda yake faruwa ba" kwamishina yayi kasa-kasa da muryarshi yace dashi
"An sami matsala Alhaji" kudi basu zo hannu ba
Elbashir ya gyara zama yana kallon kwamishinan 'yan sanda a tsanake kamar mai bitar darasi" zuwa can ya ce dashi
"ban faminci abinda kake nufi ba" da an sami matsala kwamishina?
Dan masani yayi ajiyar zuciya sannan yace
"Hakika mun kamo Jarmai to amma kuma akwatin da muka samu a wurinshi babu kudi a ciki" muna tsammanin ya canza akwatin ne domin yaudararmu
Elbashir yayi shiru babu wani alamar tsorata ko damuwa akan fuskarshi" idan wani ya ganshi sai ya rantse da Allah an sanar dashi labarin bacewar kwandala hamsin ne ba miliyan hamsin ba" wannan yanayi na rashin damuwa dake tattare da Elbashir ya sake rikita kwamishina domin kuwa yasa cewar akwai matakan da yake so ne ya dauka da gaggawa"
Yanzu ina Jarmai din da kuka kamo" ina son ganinshi akwai maganar da nakeso muyi ni da shi Elbashir ya sanarwa kwamishina" wanda ya ciro kyalle yana goge fuskarshi dake kama da kaskon tuyar awara" bayan ya gama goge fuskar sai yace dashi cikin damuwa"
Yaranmu sunyi sakaci sun barshi ya gudu bayan sun kamoshi" amma na bazasu nace su tabbatar sun sake kamo mana shi
Alhaji Elbashir ya sake yin shiru yana nazarin daddumar dake malale a ofishin zuwa can kamar zaice wani abu sai ya dakata" ya mike domin ficewa daga ofishin" har ya fara tafiya " saiya waigo ya dubi kwamishinan 'yan sanda yace dashi cikin kunar rai
Sau da yawa mutane masu hadama irinka sun sha niyyar cutata dan masani" amma kuma har yanzun babu wanda ya taba kai labari" duk wanda ya zalunceni dole ne saina rama" don haka na baka nan da awa biyu ka kawo min kudina" nasan cewar wannan rubabbiyar kwankwalwar taka bata tunanin komai sai shirya maka yadda zaka kwace min miliyoyin kudina
kayi kuskure danmasani" kuma baza kayi nasara ba" mun dade muna wannan bakar huldar dakai shekara da shekaru" wannan kawai ya isheka sanin koni wanene a kasar nan"
Idan awoyi biyu tayi baka kawo min kudin ba" zan fara gudanar da nawa motsin"
Alhaji Elbashir yayi makararren murmushi sannan yace dashi"
"Bana fatan kaga irin motsina" dan masani ka kawo mani kudina
Ya fice daga ofishin a fusace" sannan ya mako kofar ta biyo bayanshi" kwamishinan 'yan sanda yaji numfashinshi yana kokarin tsayawa" yayi saurin bude wata karamar dirowa dake gabanshi ya dauko robar ruwan sanyi yabude ya kafa kai yana kwankwada
.
Lokacin da Alhaji Elbashir ya shiga cikin motar shine dake can waje wacce ke da duhun gilasai" sai ya zage gilasan motar" sannan ya waiga kujerun baya ya dubi ifiritan samarin dake zaune suna wasa da kananan wukake a hannunsu" yace a fusace
"Bai bani kudina ba" bayan awoyi biyu kuci gaba da aikinku" ku tabbatar kunci nasara"
Gambo da abokinshi dumfama suka hada muryoyinsu dake kama da fashewar nakiya sukace "an gama Alhaji
.
=====>******^********<======
.
An kai kusan rabin awa kafin suri ta dawo hayyacinta kanta yayi nauyi gingiringin ko ina a jikinta sai faman zugi yake mata"
ta muskuta daga inda take a kwance a cikin duhu" taji kyankyasai suna bin kafafuwanta" nan da nan tayi sauri ta haura kafafunta ta goge kwarin dake bin jikinta"
A daidai lokacin ne taji numfashin mutum a cikin dakin sannan taji an motsa jiki
Suri taji tsoro ya kamata tayi sauri ta matsa baya ta hadu da bangon dakin ta riga ta gama sakankancewa da rayuwa" a halin yanzu mutuwarta ta fiye mata sauki da wannan azabar da take fuskanta"
Ta fashe da kukan bakin cikin wannan muguwar rayuwa da tasa kanta a ciki"
"na cuci kaina"
tace a sanyaye tana kuka"
Sai yanzu nasihohin da kawarta Raliya keyi mata a makaranta suka fara dawo mata cikin kwakwalwar kanta
Hakika Raliya gaskiya take fada mata" to amma kuma ita tsammaninta Raliya 'yar kauye ce bata waye ba" yanzu kam ta tabbatar rayuwar kawarta tafi tata inganci nesa ba kusa ba"
Domin kuwa tana can a halin yanzu a cikin kwanciyar hankali" a garinsu tare da masoyinta Rufa'i
Me yafi zama lafiya dadi a duniya?
Suri ta tambayi kanta" Hakika zama lafiya yafi zama da kudi ko nawa ne a duniya" komai yawansu" wannan itace shawarar da Raliya tasha fada mata" domin kuwa ba wanda ya isa ya yiwa kansa arziki a duniya komai wayonsa"
Suri tayi tsammanin idan mutum yana da wayo a duniya" dole ne ma ya tara isassun kudi yadda yake so"
sai yanzu data sami kanta a cikin wannan halin sannan ta fahimci samun kudi a duniya ko wata baiwa ba ruwansu da wayon mutum ko kyan jikinshi" Allah shine mai azurta bayinsa aduk inda ya so" kuma ga wanda ya so"
Suri ta sake fashewa da kuka" Hakika Raliya itace wayayyiya" domin kuwa tasan yadda zata zauna lafiya a duniya da mutuncin ta ba tare da wani ya biyota yaci mata mutunci ya wulakantata ba"
Suri tana cikin shishshikar kuka sai taji numfashin dake tasowa a cikin dakin ya sake gawurta wanene?
suri ta tambayi kanta" tace a bayyane"
"wanene a cikin dakin nan?"
sannan ta sake mannewa da bango a tsorace kamar wacce take jin sanyi" tayi matukar kaduwa da amsar da aka bata"
Nine...... Baki ganeni ba ne suri?"
nine masoyinki jarmai?"
"jarmai?" suri ta tambayi mai maganar a tsorace" kai nake ta nema jarmai meya kawoka nan...... Kaima sun kamaka ne?"
Jarmai dake nannade da ankwa a makure a lungu yace da ita
"Rana ta baci suri" mafarkinmu yazo karshe" wannan shine karshen zaren sa'armu"
Suri ta sake daburcewa a tsorace kamar wacce tayi gamo da fatalwa" bata gaskata abubuwan da take saurare ba a cikin duhun" Jarmai ya sake cewa da ita
"kawarki Raliya ta sami sa'a kudin suna can a wajenta ta tafi da kudin kauyensu sai wata rana kuma.."
Suri tayi saurin dakatar da Jarmai"
"A ina kasan Raliya jarmai?" me kake nufi da kudinmu suna wajenta" meya hadaka da Raliya?"
Jarmai ya sanar da suri yadda akayi suka hadu da Raliya a mota zata koma garinsu" da kuma yadda akayi sukayi musanyar akwati a karshe yace da ita
"Ba rabonmu bane suri" rabonta ne" ina so ki cire wannan kudin a ranki domin kuwa nidai tawa ta riga tazo karshe" bana so su kashe mun ke suri" domin kuwa duk ni na jawo miki wannan masifar na gwammace ni su kasheni" amma bazan barsu su kasheki ba" wannan shine kawai abinda zanyi miki na karshe a matsayina na masoyinki
Suri ta fashe da kuka ta dauki lokaci batayi shiru ba" domin kuwa taga ishara da idonta a zahiri" jiya jiyan nan take ba Raliya labarin zata zama miloniya"
Ashe duk fafutukar da takeyi Raliya ce zata amfana da miliyoyin kudin" wacce bata damu da kudin ba gashi ita kudin suke bi tana gudunsu" ita kuma suri data nace tana bin kudin gashi suna gudunta" Shin dama haka rayuwar duniya take?"
Hakika arziki nufi ne na Allah" Raliya 'yar kauye ta zama miloniya tabar suri a cikin daki mai duhi wasu azzaluman mutane suna gana mata azaba ita da masoyinta jarmai"
Suna nan cikin duhu suna maganganu sama-sama sai suka ji sautin harbin bindiga a cikin gidan har sau biyu suri ta fashe da kuka ta cewa jarma
"Gasu nan sunzo zasu kashemu jarmai" ina kake in rikeka sai dai su kashemu tare"
suri ta tashi cikin tsananin firgici ta lalubi jarmai a cikin duhun taji shi makure a jikin bango" ta lalubi hannayenshi dake manne da ankwa ta rikesu" jarmai yace da ita
"bana so su taba ki suri" ina son ki gudu ki koma ciki gaba da rayuwarki" kici gaba da karatu ni tawa tazo karshe suri"
kafin ya rufe baki ne" yaji ansa wani abu mai kama da rodi an sare kofar dakin ta katako" ta yanke jiki ta fadi kasa kamar tsawace ta fado a cikin dakin" wasu ifiritan mutane su biyu suka shigo cikin dakin rike da bindigogi da kuma cociloli a hannayensu"
Ifiritan mutanen suka haske wa masoyan idanuwansu
Daya ya kai hannu ya fizgo suri daga cikin masoyinta nata" dayan kuma ya kama kwalar rigar jarmai suka iza keyarsu zuwa waje"
Babu wanda ya zaci faruwar wani abu a cikin wadannan ifiritai biyu da suka fito da jarmai da kuma suri"
to amma kuma fitowarsu keda wuya daga cikin dakin ko taku daya basu kara ba" sai kato daya a cikin ifiritan ya kwantsama ihu" wanda ke rike da kwalar rigar jarmai ne" ya yanke jiki ya fadi" sannan ya saki bindigarshi ta fadi kasa"
Ragowar daya katon dake rike da suri" ganin abinda ya faru da abokinshi" sai ya ture ta gefe daya ta fadi
sannan ya auna goshin jarmai da bindigarshi" to amma kuma ya makara" kafin yaja kunamar bindigar" tuni jarmai yayi tsalle ya cimmashi yayi mishi irin naushin da yayi wa dan uwanshi da hannayenshi biyu dake dauke da ankwa a gefen kuncinshi"
Daya ifiritun shima ya hadu da bangon gidan ya fadi kasa ricaaa......